O‘zbekistonda foydalanilgan vaksinalar soni 19 mln dozaga yaqinlashdi

O‘zbekistonda 22-sentabr kuni COVID-19 ga qarshi 224 642 doza vaksina qo‘llandi, deb xabar bermoqda Sog‘liqni saqlash vazirligi. Shundan 90 329 doza birinchi bosqichda, 80 645 doza ikkinchi bosqichda va 53 668 doza uchinchi bosqichda qo‘llangan.

Mamlakatda ayni kungacha jami 18 980 229 doza vaksinadan foydalanilgan bo‘lib, ulardan 1-bosqichda emlanganlar 10 681 828 nafarni, 2-bosqichda emlanganlar 6 093 936 nafarni, 3-bosqichda emlanganlar 2 204 464 nafarni tashkil qildi. Shu kungacha to‘liq emlangan fuqarolar esa 3 925 257 nafarni tashkil qilmoqda.

Kecha emlash ko‘rsatkichlari bo‘yicha yuqori o‘rinlarni:

• Qashqadaryo viloyati (26 656 doza),
• Andijon viloyati (24 936 doza),
• Toshkent viloyati (22 894 doza) band qildi.

Jami emlashlar bo‘yicha yuqori ko‘rsatkichlar:

• Farg‘ona viloyatida 2 113 375 doza,
• Andijon viloyatida 2 070 109 doza,
• Namangan viloyatida 2 045 140 dozani tashkil qilmoqda.

Ma’lumot uchun, 13-sentabr holatiga ko‘ra, mamlakatga keltirilgan jami vaksina 24 million 269 ming dozani tashkil qilmoqda.

Avvalroq O‘zbekistonda grippga qarshi emlanish jarayonlari boshlangani, koronavirusga qarshi emlanganlar 14 kundan keyin grippga qarshi vaksina olishi mumkinligi to‘g‘risida xabar berilgandi.