Toshkent shahar Olmazor tumanida fuqaroning 40 000 AQSh dollarini qo‘lga kiritgan firibgar aniqlandi, deya xabar bermoqda Bosh prokuratura huzuridagi Departament axborot xizmati.
Qayd etilishicha, Departamentning Olmazor tuman bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan.
Unda muqaddam firibgarlik jinoyati uchun sudlangan fuqaro A.I. fuqaro A.ning ishonchiga kirib, unga tanishlari orqali Yakkasaroy tumani hududidan 40 sotix yer maydoni ajratib, doimiy foydalanish huquqini beruvchi hujjatlarni rasmiylashtirib berish evaziga 40 000 AQSh dollarini firibgarlik yo‘li bilan qo‘lga kiritganligi aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda 31 nafar fuqaroga imtiyoz asosida uy olib berishni va’da qilib, ulardan 25 ming dollar va 291 mln so‘m olgan shaxslar ushlandi
- O‘zbekistonda 1 mln dollarlik yaxlit kupyura sotayotgan shaxs ushlandi
- Chirchiqda tadbirkorning 33 ming dollarini qo‘lga kiritib, uni totalizatorda yutqazib qo‘ygan shaxsga jinoiy ish ochildi
Izoh (0)