Toshkent shahrining Yashnobod tumanida joylashgan xonadonlarda sodir bo‘lgan yong‘in bartaraf etildi, deb xabar beradi FVV matbuot xizmati.
Ma’lum qilinishicha, 21-sentabr kuni soat 12:56 da tumanning “Nodira” MFY Havaskor ko‘chasida joylashgan xonadonlarda yong‘in sodir bo‘layotgani to‘g‘risida shahar FVBga xabar kelib tushgan.
Voqea joyiga 4 ta yong‘in-qutqaruv ekipaji soat 12:59 da yetib borib, yong‘in soat 13:21 da o‘rab olingan va soat 13:32 da o‘chirilgan. Yong‘in oqibatida bir-biriga tutash qurilgan uylarning, taxminan, 200 metr kvadrat maydondagi tomi, shifti va ichki qismi yonib zararlangan.
Hodisa oqibatida halok bo‘lgan va jabrlanganlar yo‘q. Hozirda yong‘in sababi va moddiy zarar miqdori aniqlanmoqda.
Avvalroq Andijondagi bog‘chalardan birining hududida yong‘in chiqqani, Namangan shahri markazida yuz bergan kuchli yong‘in bir soatdan so‘ng bartaraf etilgani, Yunusoboddagi oshxonada yong‘in sodir bo‘lgani to‘g‘risida xabar berilgandi.
Izoh (0)