Yaponiyaning Daiwa Motor Transportation taksi operatori 30-avgustdan 4-sentabrga qadar Tokiodan SleepingTaxi nomli noodatiy reklama kampaniyasini o‘tkazib, uning doirasida barcha xohlovchilarga maxsus jihozlangan avtomobilda bir necha soat uxlab olishni tavsiya qildi. Mazkur xizmat bepul bo‘lganligi sabab ko‘plab mahalliy aholi undan foydalanishga qaror qilgan, deb xabar beradi Motor.

Foto: Butfirstchillout

SleepingTaxi aksiyasida gibrid dvigatel o‘rnatilgan besh eshikli Toyota JPN Taxi seriyali xetchbeki ishtirok etgan. Shuningdek, avtomobillarni elektr uzatmali suriladigan orqa eshigi va orqa yo‘lovchilar uchun kengaytirilgan makoni orqali osongina tanib olish mumkin.

Foto: Butfirstchillout

Ataylab reklama kampaniyasi uchun mashinalarda dam olishga ideal sharoit yaratilgan. U yerda yumshoq yostiq, bir martalik ko‘z niqoblari, shuningdek, tinchlantiruvchi ichimliklar va smartfonlar uchun quvvatlantirgichlar qo‘yilgan ko‘chma stol mavjud. Mutaxassislar yon oynalarga yashil yaproqlar tasvirini tushirgan. Bundan tashqari, old o‘rindiqning bosh qo‘ygichiga o‘rnatilgan ekran tinchlantiruvchi musiqa va videoroliklarni namoyish etib turgan.

Foto: Butfirstchillout

Foto: Butfirstchillout

Aksiyada aniq qancha inson ishtirok etgani noma’lum. “Relaks-taksi”da mizg‘ib olish bepul bo‘lgani inobatga olinadigan bo‘lsa, reklama kampaniyasi, shubhasiz, mashhurlikka erishgan.

Avvalroq Moskvada bir marta quvvatlanish orqali 100 km yo‘l bosa oladigan havo taksisi sinovdan o‘tkazilayotgani to‘g‘risida xabar berilgandi.