Bugun,

  • USD 11095.31
  • RUB 173.84
  • EUR 10772.44

Markaziy saylov komissiyasining qaroriga ko‘ra, 20-sentabrdan O‘zbekiston Prezidentiligiga nomzodlarning saylovoldi tashviqoti boshlandi. Bu haqda komissiya matbuot xizmati xabar berdi.

Foto: “Daryo” / Madina Nurman

Foto: “Daryo” / Madina Nurman

Saylovoldi tashviqoti OAV, shu jumladan, televideniye, radio, gazeta va jurnallar, umumiy foydalanishdagi axborot-telekommunikatsiya tarmoqlari, internet axborot tarmog‘i, bosma, ko‘rgazmali, audiovizual va boshqa tashviqot materiallarini (plakatlar, varaqalar va boshqa materiallarni) chop etish hamda tarqatish, saylovchilar bilan uchrashuvlar o‘tkazish orqali amalga oshiriladi.

Saylovoldi tashviqotida nomzodning dasturi va (yoki) saylovoldi platformasi to‘g‘risidagi axborotni nomzodni yoqlab ovoz berishga da’vat etgan holda tarqatish, nomzod to‘g‘risida axborot tarqatib, uni yoqlab ovoz berishga chaqirish shaklida olib boriladi. Saylovoldi tashviqoti omma oldida ochiq munozaralar, bahslar, matbuot konferensiyalari, fuqarolarning yig‘ilishlari, intervyular, ommaviy axborot vositalarida chiqishlar, roliklarni joylashtirish shaklida olib borilishi mumkin.

Saylov jarayonidagi har qanday faoliyatni, shu jumladan, saylovga oid targ‘ibot tadbirlarini, saylovchilarni ovoz berish kuni va joyi haqida xabardor qiluvchi axborotlarni saylovoldi tashviqoti deb qarash mumkin emas. Faqat saylovchilarni nomzodni yoqlab ovoz berishga chorlovchi tadbirlar saylovoldi tashviqoti sanaladi.

Saylovoldi tashviqoti davrida O‘zbekiston Prezidentligiga nomzodlarning ommaviy axborot vositalarida chiqishlari quyidagi tartibda amalga oshiriladi:

  • birinchi – O‘zbekiston Ekologik partiyasidan O‘zbekiston Prezidentligiga nomzod – Narzullo Oblomurodov;
  • ikkinchi – O‘zbekiston Xalq demokratik partiyasidan O‘zbekiston Prezidentligiga nomzod – Maqsuda Vorisova;
  • uchinchi – Tadbirkorlar va ishbilarmonlar harakati – O‘zbekiston Liberal-demokratik partiyasidan O‘zbekiston Prezidentligiga nomzod – Shavkat Mirziyoyev;
  • to‘rtinchi – O‘zbekiston “Milliy tiklanish” demokratik partiyasidan O‘zbekiston Prezidentligiga nomzod – Alisher Qodirov;
  • beshinchi – O‘zbekiston “Adolat” sotsial-demokratik partiyasidan O‘zbekiston Prezidentligiga nomzod –Bahrom Abduhalimov.
Avvalroq MSK O‘zbekiston prezidentligiga barcha nomzodlarni ro‘yxatga olgani, Xalq demokratik partiyasi nomzodi Maqsuda Vorisova uchun 225 mingdan ortiq saylovchining imzosi, “Adolat” nomzodi Bahrom Abduhalimov 213 mingdan ortiq imzo to‘plangani to‘g‘risida xabar berilgandi. O‘zLiDeP nomzodi Shavkat Mirziyoyevni qo‘llab-quvvatlovchi jami 300 mingdan ortiq saylovchining imzosi to‘plangan.

Izoh
Asosiy yangiliklar
Mahalliy
“Prava”ni yangisiga almashtirib beradigan onlayn xizmat faoliyatida nosozlik kuzatilmoqda
Mahalliy
O‘zbekistonda gaz zapravkalar qayta ochilishi kutilmoqda
Dunyo
Rossiya Belarusga yangi harbiy qismlar joylashtirdi — Ukraina chegara xizmati