Futbol bo‘yicha Ispaniya La Ligasining 5-turidan o‘rin olgan bir qator uchrashuvlar 19-sentabr, yakshanba kuni bo‘lib o‘tdi.
“Real” safarda “Valensiya”ga qarshi bahs olib bordi. Birinchi bo‘limda darvozalar daxlsiz qoldi. 66-daqiqada Ugo Duro maydon egalarini oldinga olib chiqdi.
Shundan keyin ustunlik to‘liq madridliklar tomoniga o‘tdi. Qator urinishlar o‘yin so‘ngiga kelib o‘z samarasini berdi. 86-daqiqada Vinisius Junior hisobni tenglashtirgan bo‘lsa, oradan ikki daqiqa o‘tib, Vinisiusning uzatmasidan keyin Karim Benzema madridliklarga g‘alaba keltirgan golga mualliflik qildi.
Shu tariqa “Real” ochkolarini 13 taga yetkazib olgan holda yakka peshqadamga aylanib oldi. “Valensiya” (10) uchinchi o‘rinda qoldi.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
La Liga
5-tur bahslari
19-sentabr, yakshanba
“Valensiya” — “Real Madrid” 1:2
Gollar: 1:0 – 66 Duro, 1:1 – 86 Vinisius Junior, 1:2 – 88 Benzema.“Valensiya”: Mamardashvili, Tyerri Korreyya (Toni Lato, 23), Gabriel Paulista, Alderete, Fulkye, Soler (Musa, 15), Gilyamon, Vass, Gedesh (Elder Koshta, 79), Maksi Gomes (Rachich, 80), Duro (Markos Andre, 79).
“Real Madrid”: Kurtua, Karvaxal (Vaskes, 26), Alaba, Militao, Nacho, Valverde (Isko, 78), Modrich (Rodrigo, 67), Kazemiro (Kamavinga, 67), Benzema, Azar (Yovich, 78), Vinisius Junior.
Ogohlantirishlar: Gabriel Paulista (39), Kazemiro (45), Nacho (56), Rodrigo (81), Vinisius (90+2), Kamavinga (90+3).
Izoh (0)