Samarqand xalqaro aeroportida 22 yoshli qiz Turkiyaga aldov yo‘li bilan fohishalik uchun yuborilishining oldi olindi. Bu haqda viloyat IIB xizmati xabar berdi.
Ma’lum bo‘lishicha, viloyatning Oqdaryo tumanida yashovchi 29 yoshli yigit 22 yoshli qizni kelgusida fohishalik maqsadida ishlatish uchun Samarqand xalqaro aeroporti orqali Turkiyaning Istanbul shahriga yuborishni reja qilgan. Shu maqsadda Istanbul shahrida yashab kelayotgan onasi O.R. bilan oldindan jinoiy til biriktirgan.
Samarqand viloyati IIB Terrorizm va ekstremizmga qarshi kurashish boshqarmasi hamda DXX Samarqand viloyati boshqarmasi xodimlari hamkorligida olib borilgan tezkor tadbirlar davomida yigit qizni Samarqand xalqaro aeroportidan jo‘natayotganida qo‘lga olingan.
Mazkur holat yuzasidan, Samarqand shahri bo‘yicha IIO FMB huzuridagi Tergov bo‘limi tomonidan Jinoyat kodeksining 135-moddasi (odam savdosi) 2-qismi bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Toshkent aeroportida uch nafar ayol Turkiyaga fohishalikka yuborilayotganda to‘xtatib qolindi
- Farg‘onada bir ayolni aldab, uni Turkiyaga fohishalik qilishga yubormoqchi bo‘lgan ikki ayol qo‘lga olindi
- Xorazmda uch nafar qizni Dubayga fohishalik qilish uchun jo‘natishga uringan shaxslar qo‘lga olindi
- Andijonda ikki nafar tanishini Turkiyaga fohishalik qilishga olib ketmoqchi bo‘lgan namanganlik ayol qo‘lga olindi
Izoh (0)