IIV Transportda xavfsizlikni ta’minlash bosh boshqarmasi va uning mahalliy bo‘linmalari tomonidan temiryo‘lda baxtsiz hodisalarning oldini olish bo‘yicha tadbirlar amalga oshirib kelinmoqda, deb yozmoqda IIVning “Postda” nashri.
Qayd etilishicha, O‘zbekistondagi temiryo‘llarda 2021-yilning yanvar—avgust oylarida 30 ta baxtsiz hodisa ro‘y bergan.
Xususan, shunday holatlarning biri Angrenda yuz bergan. Ohangaronlik 34 yoshli fuqaro “Aqcha” va “Obliq” bekatlarining 91-kilometrida Toshkent—Angren yo‘nalishi bo‘yicha harakatlanib ketayotgan yo‘lovchi poyezdi urib ketishi oqibatida halok bo‘lgan. Voqea kechki payt soat 19:15 larda yuz bergan.
Qashqadaryoning Qamashi tumanida 30 yoshli kishi ehtiyotsizlik oqibatida shunday baxtsiz hodisa qurboni bo‘lgan. Uni “Nazarbek” va “Keles” bekatlari oralig‘idagi 3359-kilometrida Andijon—Qo‘qon—Toshkent yo‘nalishida harakatlanib kelayotgan elektropoyezd urib ketgan.
Shuningdek, ko‘rilayotgan vaqt davomida vagonlar derazalari sindirilishi bo‘yicha 11 ta holat, temiryo‘lga yot jismni qo‘yish bilan bog‘liq 4 ta holat qayd etilgan.
Mavzuga doir:
- Farg‘onada oilaviy janjal tufayli o‘zini poyezd ostiga tashlamoqchi bo‘lgan ayol qutqarib qolindi
- Qashqadaryoda qaynatasi bilan tortishib qolgan kelin o‘zi va ikki farzandini poyezd tagiga tashlab, vafot etdi
- Sirdaryoda poyezd ayolni ikkiga bo‘lib yuborgani haqidagi xabarlar yuzasidan rasmiy ma’lumot berildi
- Andijonda quloqchin taqib ketayotgan yigitni poyezd bosib ketdi
Izoh (0)