2021-yil 15-sentabr kuni Namangan viloyatining Kosonsoy tumanida yashovchi, 1967-yilda tug‘ilgan fuqaro ichki ishlar idoralariga uyida sodir bo‘lgan o‘g‘rilik yuzasidan murojaat qildi. Bu haqda “Daryo” muxbiri Azizbek Abduvaliyev xabar bermoqda.
Ma’lum bo‘lishicha, 12-sentabr kuni noma’lum shaxs uyda hech kim yo‘qligidan foydalanib, uning hovlisiga devor oshib kirgan va yerto‘ladagi seyfni ochgan. Seyfda bo‘lgan 1700 dollar, 2 million so‘m va narxi 1,8 million so‘m bo‘lgan tilla uzuklarni o‘g‘irlab ketgan.
Tumanda tungi guruh yo‘nalishida xizmat olib borayotgan profilaktika inspektori va JQB vakillari tomonidan olib borilgan tezkor qidiruv va surishtiruv harakatlari natijasida ushbu jinoyatni murojaatchining jiyani, Kosonsoy tumanida yashovchi, 2003-yilda tug‘ilgan ayol sodir etganligi aniqlangan.
Hozirda ushbu holat bo‘yicha Kosonsoy tuman IIB huzuridagi tergov bo‘limi tomonidan Jinoyat kodeksining 169-moddasi 2-qismi bilan jinoyat ishi qo‘zg‘atilgan.
Izoh (0)