Futbol bo‘yicha Angliya Premyer Ligasining 5-turidan o‘rin olgan bir qator uchrashuvlar 19-sentabr, yakshanba kuni bo‘lib o‘tdi.
Turning markaziy uchrashuvi “Tottenhem” va “Chelsi” jamoalari o‘rtasida kechdi. Uchrashuvning birinchi bo‘limida hisob ochilmadi. Ikkinchi bo‘lim debyutida Tiago Silva mehmonlarni oldinga olib chiqdi. 57-daqiqada Ngolo Kantening zarbasidan keyin o‘z yo‘nalishini o‘zgartirgan to‘p “shporlar” darvozasidan joy oldi.
Hakam tomonidan qo‘shib berilgan vaqtda Antonio Ryudiger hisobni yirik ko‘rinishga keltirdi.
“Manchester Yunayted” jamoasi “Vest Hem” maydonida mehmon bo‘ldi. 30-daqiqada Muhammad Said Benrahma mehmonlar darvozasini ishg‘ol qildi. Bunga “Yunayted” birinchi bo‘limda Krishtianu Ronalduning goli bilan javob qaytardi.
Ikkinchi bo‘lim yakunlanishi arafasida Jessi Lingard mankunianlarning ikkinchi golini urdi. Hakam tomonidan qo‘shib berilgan daqiqalarda londonliklar penaltini golga aylantira olmadi. Noblning zarbasini David de Xea bartaraf etdi.
Shu tariqa “Chelsi”, “Liverpul” va “Manchester Yunayted” 13 ochkodan jamg‘argan holda dastlabki uchta o‘rinni egallab turibdi.
APL
5-tur bahslari
19-sentabr, yakshanba
“Tottenhem” — “Chelsi” 0:3
Gollar: 0:1 – 49 Tiago Silva, 0:2 – 57 Kante, 0:3 – 90+3 Ryudiger.“Tottenhem”: Lyoris, Emerson, Dayer, Romero (Sanches, 83), Regilon, Hyoybyerg, Alli, Lo Chelso (Xil, 62), Ndombele (Skipp, 62), Son Hyon Min, Keyn.
“Chelsi”: Arrisabalaga, Aspilikueta, Tiago Silva, Ryudiger, Kristensen, Alonso, Kovachich, Jorjinyo, Maunt (Kante, 46), Haverts (Verner, 70), Lukaku.
Ogohlantirish: Verner (80).
“Vest Hem” — “Manchester Yunayted” 1:2
Gollar: 1:0 – 30 Benrahma, 1:1 – 35 Ronaldu, 1:2 – 89 Lingard.“Vest Hem”: Fabianski, Soufal, Ogbonna, Zuma, Kressuell, Fornals, Vlashich (Yarmolenko, 68), Souchek, Rays, Benrahma (Lansini, 88), Bouen (Nobl, 90+4).
“Manchester Yunayted”: De Xea, Uan-Bissaka, Varan, Maguayr, Shou, Pogba (Lingard, 73), Fred (Matich, 88), Brunu Fernandesh, Maktominey, Ronaldu, Grinvud (Sancho, 73).
Izoh (0)