O‘zbekistonda koronavirusga qarshi qo‘llanilgan vaksinalar soni 18 million dozadan oshdi, deya xabar bermoqda Sog‘liqni saqlash vazirligi.

Foto: “Daryo”/ Madina Nurman

Qayd etilishicha, 17-sentabrda mamlakat hududlari bo‘ylab 200 430 doza COVID–19 ga qarshi vaksina qo‘llanildi. Ulardan:

  • 1-bosqich emlanganlar 58 011 nafarni;
  • 2-bosqich emlanganlar 95 642 nafarni;
  • 3-bosqich emlanganlar 46 777 nafarni tashkil qildi.

Ayni kungacha mamlakatda jami 18 082 373 doza vaksinadan foydalanildi. Ulardan:

  • 1-bosqich emlanganlar 10 334 108 nafarni;
  • 2-bosqichda emlanganlar 5 745 222 nafarni;
  • 3-bosqich emlanganlar 2 003 043 nafarni tashkil qildi.

Shu kungacha to‘liq emlangan fuqarolar 3 596 143 nafarni tashkil qilmoqda.

17-sentabrda emlash ko‘rsatkichlari bo‘yicha yuqori o‘rinlarni:

  • Namangan viloyati (23 106 doza);
  • Toshkent viloyati (22 743 doza);
  • Andijon viloyati (22 232 doza) band qildi.

Jami emlashlar bo‘yicha yuqori ko‘rsatkichlar:

  • Farg‘ona viloyatida 2 029 659 doza,
  • Namangan viloyatida 1 967 350 doza,
  • Andijon viloyatida 1 965 116 dozani tashkil qilmoqda.

Bundan avval SSV emlanganlik haqida SMS-xabar kelishidagi xatoliklar yuzasidan izoh bergani, O‘zbekistonda ishlab chiqarilgan “Sputnik V” vaksinasi oktabr oyida ichki bozorga chiqarilishi hamda O‘zbekistonga Polshadan 252 ming doza AstraZeneca vaksinasi keltirilgani haqida xabar berilgandi.