Ko‘pchilikka o‘lim arafasidagi insonning ko‘ziga nima ko‘rinishi yoki nima deyishi qiziq tuyuladi. Ehtimol, bu jumlalar kim uchundir hikmat, umr so‘ngida aytib olinadigan ilinj yoki hayotda qanday yashash lozimligi haqida nasihat bo‘lar.

Frenk Sinatra: “Men o‘zimni yo‘qotyapman...”

Asosiy kasbi kinoaktyor bo‘lgan Frenk Sinatra, shuningdek, qo‘shiqchi va shoumen ham bo‘lgan. U  1998-yilning 4-may kuni 82 yoshida Los-Anjelesda miokard infarkti tufayli vafot etgan.

Foto: Cosmopolitan

Bob Marli: “Hayotni pulga sotib ololmaysan”

Bob Marley and The Wailers guruhi asoschisi, taniqli musiqachi Bob Marli Yamaykada tug‘ilgan. 11 nafar farzandning otasi 1981-yil 11-mayda saraton kasalligi tufayli kasalxonada dunyodan ko‘z yumgan.

Foto: Cosmopolitan

Rafael Santi: “Baxtliman”

“Sikstin madonnasi” kartinasi bilan mashhur bo‘lgan rassom 1520-yil 6-aprel kuni 37 yoshida nafas olish tizimi yallig‘lanishi va yuqori tana haroratidan vafot etgan.

Foto: Cosmopolitan

Karl Marks: “So‘nggi so‘zlarni hayotida yetarlicha gapira olmagan ahmoqlar aytadi”

Karl Geynrix Marks — nemis faylasufi, sotsiolog, iqtisodchi, yozuvchi, shoir, siyosiy jurnalist, tilshunos, jamoat arbobi, tarixchi. Fridrix Engelsning do‘sti va hammaslagi, u bilan “Kommunistik partiya manifesti”ni yozgan. “Kapital” asari muallifi 1883-yil 14 martda 64 yoshida o‘pka yallig‘lanishidan vafot etgan.

Foto: Cosmopolitan

Uinston Cherchill: “Bularning barchasidan shunchalik charchadimki...”

Britaniyaning davlat va siyosat arbobi, 1940—1945 va 1951—1955 yillarda Buyuk Britaniya bosh vaziri, zaxiradagi askar, jurnalist, yozuvchi, rassom, Britaniya akademiyasining faxriy a’zosi, adabiyot bo‘yicha “Nobel” mukofoti laureati 1965-yil 24-yanvarda insultdan o‘lgan.

Foto: Cosmopolitan

Leonardo da Vinchi: “Men Xudoni va odamlarni haqorat qildim, axir asarlarim orqali o‘zim intilgan yuksaklikka erisha olmadim”

Uyg‘onish davrining buyuk rassomi, haykaltarosh, me’mor va olim, ixtirochi, yozuvchi, musiqashunos Da Vinchi 1519-yil 2-may kuni 68 yoshida Klos-Lyus qal’asida shogirdlari va eng yaxshi asarlari qurshovida vafot etgan.

Foto: Cosmopolitan

Napoleon Bonapart: “Fransiya, armiya, armiya rahbari, Jozefina”

Fransuz imperatori, zamonaviy fransuz davlatining poydevorini qo‘ygan qo‘mondon va davlat arbobi 1821-yil 5-may, shanba kuni, soat 17:49 da kasallikdan vafot etgan. O‘limidan oldin alahlab, tushunarsiz so‘larni aytgan.

Foto: Cosmopolitan

Luchano Pavarotti: “Men musiqa uchun yashalgan hayotni ajoyib, deb hisoblayman va aynan shuning uchun ham unga butun borlig‘imni bag‘ishlaganman”

XX asrning ikkinchi yarmidagi eng mashhur opera xonandalaridan biri. Luchano Pavarotti 2007-yil 6-sentabr kuni ertalabki soat 5 da, 72 yoshga to‘lishidan bir oy oldin, Modena shahridagi uyida oshqozon osti bezi saratonidan vafot etgan.

Foto: Cosmopolitan

Jorj Oruell: “Ellik yoshida har kim o‘ziga munosib o‘ringa ega bo‘ladi”

Britaniyalik yozuvchi, jurnalist va publitsist. Uning asarlari yozish uslubi, totalitarizmni tanqid qilish va demokratik sotsializmni qo‘llab-quvvatlashi bilan ajralib turadi. “Molxona” asari muallifi 50 yoshga ham to‘lmay, 47 yoshida Londonda sil kasalligidan vafot etgan.

Foto: Cosmopolitan

Vladimir Nabokov: “Bir kapalak yaqinlashib kelmoqda”

Rossiya va Amerika yozuvchisi, shoir, tarjimon, adabiyotshunos va entomolog. Adabiyot bo‘yicha bir necha bor “Nobel” mukofotiga nomzod bo‘lgan.

1975-yil iyul oyida Nabokov Shveysariya tog‘larida kapalaklar yig‘ish paytida yiqilib tushadi, bu esa yozuvchining sog‘lig‘iga jiddiy putur yetkazadi, oqibatda yozuvchi ikki yil o‘tib — 1977-yil 2-iyulda dunyodan ko‘z yumadi.

Foto: Cosmopolitan

Isaak Nyuton: “Dunyo meni qanday qabul qilganini bilmayman. Men har doim o‘zimni dengiz bo‘yida o‘ynab, chiroyli toshlar va chig‘anoqlarni qidirib yurgan bolakayga o‘xshatardim, o‘sha vaqtda ko‘z oldimda haqiqatning buyuk okeani noma’lumligicha yastanib yotardi”

Isaak Nyuton — ingliz fizigi, matematik, mexanik va astronom, klassik fizika asoschilaridan biri, fizik qonunlar asoschisi. U London yaqinidagi Kensington shahrida 1727-yil 20-martda kechasi uyqusida hayotdan ko‘z yumgan.

Foto: Cosmopolitan

Benjamin Franklin: “O‘layotgan odamga hech narsa yengillik berolmaydi”.

Amerika Qo‘shma Shtatlari asoschisi 84 yoshida o‘lim to‘shagida yotganida, nafas olishi oson bo‘lishi uchun o‘rnini o‘zgartirmoqchi bo‘lgan qiziga yuqoridagidek javob beradi-yu, vafot etadi.

Foto: Cosmopolitan

Konan Doyl

Mashhur detektiv romanlar muallifi bog‘da dam olib o‘tirganida to‘satdan xotiniga o‘girilib: “Sen mo‘jizasan” deydi va ko‘kragini changallagan holda vafot etadi.

Foto: Cosmopolitan

Ernest Xeminguey: “Xayrli tun, mushukcham”, xotiniga shu so‘zlarni aytishi bilanoq yozuvchi boshiga o‘q uzadi.

Foto: Cosmopolitan

Edit Piaf: “Hayotda qilingan barcha ahmoqliklar uchun javob berishga to‘g‘ri keladi”

Mashhur fransuz xonandasi va kino aktrisasi 1963-yil 10-oktabr kuni 47 yoshida jigar yetishmovchiligi tufayli yuzaga kelgan anevrizma tufayli dunyodan ko‘z yumgan.

Foto: Cosmopolitan