Kuz – kechqurun sevimli filmlarni tomosha qilish va mazali taomlarni iste’mol qilish vaqti. Shuning uchun har qanday  uchrashuvda dasturxonga ajoyib tortiq bo‘ladigan mazali piroglar retseptini taqdim etamiz.

Yumshoqqina olmali pirog retsepti

Foto: Elle

Kerakli mahsulotlar:

  • olma – 1,5 kilogramm;
  • shakar – 150 gramm;
  • sariyog‘ – 20 gramm.

Xamir uchun:

  • tuxum – 1 dona;
  • shakar – 150 gramm
  • smetana – 20 foizli 95 gramm;
  • o‘simlik yog‘i – 75 gramm;
  • sariyog‘ – 75 gramm;
  • un – 175 gramm;
  • qabartma – 7 gramm;
  • tuz.

Tayyorlanish jarayoni:

  1. Olma tozalanib, bo‘laklarga bo‘linadi va shakar sepiladi.
  2. Tovada sariyog‘ eritib olinadi va olma jigarrang bo‘lguncha pishiriladi.
  3. Xamir uchun bitta tuxum 150 gramm shakar bilan ko‘pirtiriladi, smetana, eritilgan sariyog‘, o‘simlik yog‘i va tuz qo‘shiladi, Massa silliq holga kelgunga qadar aralashtiriladi. Ustidan un va qabartma solinib, xamir qoriladi.
  4. Xamir pishiriq qolipiga quyiladi, ustiga pishirilgan olma solinadi. Olmaning bir qismini xamir ichida, bir qismini yuzada qoldiriladi. Pirog pechda 165 daraja 45 daqiqa davomida pishiriladi.

Muzqaymoq va olxo‘rili krambl retsepti

Foto: Elle

Kerakli mahsulotlar:

  • sariyog‘ – 200 gramm;
  • shakar – 200 gramm;
  • un – 200 gramm;
  • funduq yong‘og‘i – 200 gramm;

Nachinka uchun:

  • olxo‘ri – 650 gramm;
  • shakar – 30 gramm;
  • dolchin – 5 gramm;
  • zanjabil – 5 gramm;
  • muzqaymoq, yogurt.

Tayyorlanish jarayoni:

  1. Olxo‘ri bo‘laklarga bo‘linadi va pishiriq varag‘iga qo‘yiladi. Ustiga shakar va ziravorlar sepilib, 160 daraja haroratda 20-30 daqiqa davomida yumshoq bo‘lgunga qadar pishiriladi.
  2. Sariyog‘ni mikserning past tezligida shakar va un bilan aralashtiriladi. Yong‘oq qo‘shib, taxminan, 20 daqiqa davomida 160 darajada pechda qizarguncha pishiriladi.
  3. Desert uchun mo‘ljallangan maxsus idishga olxo‘rili nachinka solinadi, ustidan sariyog‘li massa va ta’bga ko‘ra muzqaymoq yoki yogurt quyiladi.

Olma va kremli pirog retsepti

Foto: Elle

Kerakli mahsulotlar:

  • un – 250 gramm;
  • sariyog‘ – 150 gramm;
  • bodom – 30 gramm;
  • shakar upasi– 100 gramm;
  • tuxum – 1 dona;
  • tuz.

Krem uchun:

  • sut – 200 ml;
  • shakar – 50 gramm;
  • tuxum – 1 dona;
  • kraxmal – 1 choy qoshiq;
  • un – 1 choy qoshiq;
  • sariyog‘ – 50 gramm;
  • bodom – 50 gramm.

Glazur uchun:

  • o‘rikli murabbo 
  • olma – 5 dona.

Tayyorlanish jarayoni:

  1. Xamir uchun: Mikser yoki ko‘pirtirgich yordamida sariyog‘, shakar, maydalangan yong‘oq va tuxumni aralashtiriladi. Aralashmaga unni elakdan o‘tkazib, bir necha bosqichda qo‘shiladi. Hosil bo‘lgan xamir dumaloq shaklga keltirilib, 15 daqiqa davomida muzlatkichga qo‘yiladi.
  2. Krem uchun: idishga un, kraxmal, shakar, tuxum solinib, ko‘pirtiriladi. Sekin-asta sut qo‘shiladi va silliq bo‘lguncha aralashtiriladi. Past olovga qo‘yiladi va krem qalinlashguncha aralashtiriladi. Olovdan olingach, issiq kremga yumshatilgan sariyog‘ qo‘shiladi va to‘liq eriguncha aralashtiriladi.
  3. Olma ingichka bo‘laklarga bo‘linadi.
  4. Xamir aylana shaklda yoyilib, qolipga o‘tkaziladi, ortiqcha qismi kesib olinadi va sanchqi bilan teshiladi.
  5. Krem xamir ustiga quyiladi va tekislanadi. Yuqori qismiga olma bo‘laklari joylashtiriladi.
  6. Olma ustiga sariyog‘ surtiladi va shakar sepiladi. Pirog 180 daraja oldindan qizdirilgan pechga qo‘yiladi va qizarguncha pishiriladi. O‘rik murabbosiga 2 osh qoshiq suv quyilib, idishda biroz isitiladi va tayyor bo‘lgan pirog ustiga quyiladi.

Yoqimli ishtaha!