Andijon viloyatida yuqori tezlikda harakatlangan tez yordam mashinasi radarga tushgani haqida xabar tarqaldi. Holat yuzasidan YHXBB axborot xizmati izoh berdi.
Ma’lum bo‘lishicha, tez tibbiy yordam bo‘limiga chaqiruv kelib tushgan va tez yordam mashinasida og‘ir bemor olib ketayotgan payt tezlikni oshirgan. Mashina haydovchisi soatiga 70 kilometr/soat tezlikda harakatlanishi kerak bo‘lgan hududda 99 kilometr/soat tezlikda harakatlangan va qoidabuzarlikni aniqlovchi radar qurilmasiga tushgan.
Qayd etilishicha, tez yordam avtomobillariga bu kabi qoidabuzarlik uchun javobgarlik bekor qilingan.
Shuningdek, ushbu holatni haydovchining sherigi tartibni bilgan holda tarqatib yuborgan.
“Buning tartibini bilardim. Sherigimga bu haqda aytmay ijtimoiy tarmoqlarga joylaganman. Ijtimoiy tarmoqlarda tarqalgandan so‘ng blogerga chiqib postni o‘chirishni aytdim. U avval YHXBdan izoh olishini aytib, postni o‘chirmasligini bildirdi”, — deydi haydovchi sherigi.
Ma’lum qilinishicha, yo‘l harakati xavfsizligi sohasida 2018-yil 1-iyun sanasidan boshlab yangi avtomatlashtirilgan tizim joriy etilgan. Shu davrdan boshlab hozirgi kunga qadar tez tibbiy yordam mashinalarida sodir etilgan 2011 ta qoidabuzarliklar qonunda belgilangan tartibda, Ma’muriy javobgarlik to‘g‘risidagi kodeksining 271-moddasi 4-qismiga (shaxs harakatni zaruriy mudofaa holatida yoki oxirgi zarurat holatida qilgan bo‘lsa) asosan bekor qilingan.
Mavzuga doir:
- O‘zbekiston bo‘ylab avgust oyida yana 18 ta statsionar radar o‘rnatildi
- Toshkentdagi “Novza” masjidiga juma namoziga kelgan haydovchilar mashinalari jarimaga tortilayotgani aytilgan video bo‘yicha izoh berildi
- Toshkent viloyatida radar o‘rnatilgan mashinada faoliyat olib borayotgan YPX xodimiga to‘sqinlik qilgan shaxs 15 sutkaga qamaldi
Izoh (0)