Pechenyedan tayyorlanadigan “tvorogli uycha” torti

Mazali shirinlikni uy sharoitida tayyorlab ko‘ring.

Kerakli mahsulotlar:

• sariyog‘ — 100 g;
• tvorog — 250 g;
• shakar — 100 g;
• vanilin;
• to‘rtburchak shakldagi shokoladli pechenyelar — 12 dona;
• sut — 100-250 ml;
• banan — 1 dona;
• kakao kukuni — 1 osh qoshiq;
• shokolad — 100 g;
• kokos kukuni.

• Eritilgan sariyog‘ga tvorog, vanilin va shakar qo‘shib mikserda aralashtirib oling.
• Qandolat plyonkasini tekis qilib yoying.
• Pechenyelarni qaynoq suvga botirib, uch qator qilib terib chiqing (har bir qatorda to‘rttadan pechenye bo‘lsin).
• Ustidan tvorogli aralashmani surting.
• Bo‘laklarga bo‘lingan bananni terib chiqing.
• Tvorogli kremning qolgan qismiga kakao qo‘shib aralashtiring.
• Krem bilan bananning ustini qoplang.
• Plyonkaning bir chetini ushlab nachinka tomon buklang.
• Ikkinchisini ham buklab uchburchak shaklga keltiring.
• 2-3 soatga sovitkichga qo‘ying.
• Idishga shokoladni solib eriting, ustidan sut va sariyog‘ solib, yaxshilab aralashtiring.
• Tortdan plyonkani olib tashlab, ustidan shokoladli aralashmani quyib chiqing.
• Yana 30 daqiqaga sovitkichga qo‘ying.
• Ustini kokos qirindisi bilan bezang.