Ijtimoiy tarmoqda “Toshkentda uyqudagi GAI” sarlavhasi ostida video tarqaldi. Holat yuzasidan YHXBB tekshiruv o‘tkazib, natijasini e’lon qildi.
Qayd etilishicha, Toshkent shahar IIBB YHXB YPX xodimi A.Jo‘raqulov xizmat faoliyati davomida intizomiy jazolangani, yakka tartibda profilaktik suhbatlar o‘tkazilganiga qaramasdan o‘ziga tegishli xulosa chiqarmagan.
O‘tkazilgan xizmat tekshiruviga ko‘ra, u xizmat davomida turli nomaqbul harakatlari, mas’uliyatsizligi sabab Ichki ishlar vazirining ayrim me’yoriy buyrug‘i talablarini buzgani uchun O‘zbekiston Prezidentining 2017-yil 29-noyabrdagi PQ-3413-son qarori bilan tasdiqlangan “Ichki ishlar organlarida xizmatni o‘tash tartibi to‘g‘risidagi nizom”ning 144-bandi, “k” kichik bandiga (ichki ishlar organi xodimining sha’niga putur yetkazuvchi xatti-harakatlar sodir etishi) muvofiq ichki ishlar organlaridan bo‘shatilgan.
Shuningdek, ushbu xodimning bevosita komandirlari intizomiy jazolanishi bo‘yicha xulosa qilingan.
Mavzuga doir:
- Andijonda fuqaro IIB xodimlari tomonidan kaltaklangani haqidagi xabar yuzasidan ma’lumot berildi
- Toshkent viloyatida mast haydovchi urib ketishi oqibatida 30 yoshli YPX xodimi vafot etdi
- Toshkentda qoida buzgan haydovchiga chora ko‘rmasdan ketishiga ruxsat bergan YPX xodimiga xizmat tekshiruvi tayinlandi
Izoh (0)