Namangan shahrida “VAZ-2101” yo‘lning belgilanmagan joyidan kesib o‘tayotgan maktab o‘quvchisini urib ketdi, deya xabar bermoqda YHXBB.
Ma’lum bo‘lishicha, 13-sentabr kuni soat 18:40 atrofida “Kelajak tonggi” mahallasi Chortoq ko‘chasida “VAZ-2101” mashinasini hushyor holda boshqarib ketayotgan haydovchi harakat xavfsizligini ta’minlay olmagan.
Oqibatda u yo‘lning belgilanmagan joyidan kesib o‘tayotgan, 63-sonli maktabning 3-sinf o‘quvchisini urib yuborgan.
Qayd etilishicha, piyoda ko‘rsatilgan tibbiy yordamlarga qaramay bosh miya chayqalishi, bosh miya yopiq sinishi va o‘ng oyoq boldir suyagining yopiq sinishi tashxisi bilan tuman shifoxonasida vafot etgan.
Hozirda holat yuzasidan surushtiruv ishlari olib borilmoqda.
Mavzuga doir:
- Surxondaryoda katta tezlikda ketayotgan Matiz yo‘ldan o‘tayotgan 12 yoshli qizni urib yuborib uning o‘limiga sababchi bo‘ldi
- Samarqandda Cobalt katta tezlikda piyodani urib yuborib, daraxtga urildi. Oqibatda piyoda va mashina yo‘lovchisi vafot etdi
- Navoiylik yigit otasining Malibu’sida qizil chiroqda o‘tib ketib, yo‘ldan o‘tayotgan ayolni urib ketdi. Jabrlanuvchi vafot etdi
Izoh (0)