Afg‘onistonning Tojikistonda yashovchi 200 ga yaqin fuqarosi Dushanbedagi Afg‘oniston elchixonasiga yig‘ildi. Ular qo‘lida bayroqlar, shior yozilgan plakatlar, Ahmad Shoh Mas’ud va kichik Ahmad Mas’udning fotosuratlarini ko‘tarib olgan, deb yozadi Asia-Plus.

Foto: Asia Plus

Nashr muxbirining elchixonadan xabar berishicha, tinch miting ishtirokchilari, asosan, ayollardan iborat. Ularning qo‘llaridagi plakatlarda shunday yozuvlar bor: “Ishlash — bizning huquqimiz, o‘qish — bizning huquqimiz, biz huquqimiz uchun kurashamiz!”, “Ayol — ona, ayol — singil!”, “Pokistonga o‘lim”, “Panjsherni qo‘llab-quvvatlang”.

Foto: Asia Plus

Ayni paytda miting ishtirokchilari, ayniqsa, bolalar quyidagi shiorlarni baralla aytmoqda: “Yashasin Afg‘oniston”, “Yashasin milliy qarshilik fronti”, “Biz Ahmad Mas’udni qo‘llab-quvvatlaymiz”, “Tolibon’ga o‘lim”, “Pokistonga o‘lim”, “Pokiston, Afg‘onistondan chiqib ket”, “Biz ijtimoiy adolat istaymiz”, “Biz tinchlik istaymiz”, “Terrorizm tarafdorlariga o‘lim” va hokazolar.

Foto: Asia Plus

“Siz bu yerga tashrifingiz bilan Afg‘onistonga bo‘lgan his-tuyg‘ularingizni ifoda etganingizdan juda minnatdorman. Bizning ovozimiz Afg‘onistonga bo‘lgan rahm-shafqatimizni ko‘rsatadi. Afg‘onistonda ayollar huquqlari hurmat qilinmaguncha, biz tinchlanmaymiz. Biz erkinlikni xohlaymiz. Yashasin Afg‘oniston! Yashasin Ahmad Mas’ud! Yashasin qarshilik fronti! Yashasin Afg‘oniston milliy qahramoni! Biz uch rangli bayrog‘imizni himoya qilamiz!” — dedi miting paytida Afg‘onistonning Tojikiston Respublikasidagi elchisi Muhammad Zohir Agbar.

Foto: Asia Plus

Foto: Asia Plus

“Tolibon’ onalar va opa-singillarimizni qadrlamaydi. Ayollarimiz esa qonuniy hukumatda ishlashni istaydi. Ular o‘z huquqlari himoya qilinishini va erkaklar bilan tenglikda ishlashni xohlaydi. Ammo ‘Tolibon’ ularning noroziligiga o‘q bilan javob qaytarmoqda,” — dedi elchi. “Sizdan Afg‘onistonni terrorchilar uyasiga aylantirmasligingizni so‘raymiz. Bu faqatgina Afg‘oniston xalqi va ayollarining muammosi emas, bu kasallik boshqalarga ham yuqadi. Umid qilamizki, jahon hamjamiyati va xalqaro inson huquqlari tashkilotlari ‘Tolibon’ hokimiyatini tan olmaydi ”.

Foto: Asia Plus

Foto: Asia Plus

Foto: Asia Plus

https://www.facebook.com/watch/?v=177511427829944

Eslatib o‘tamiz, 11-sentabr kuni Afg‘onistonda “Tolibon” harakatini qo‘llab-quvvatlash maqsadida ayollar namoyishi o‘tkazilgandi. Namoyishchilar gender tengligi va ayollar huquqlarini cheklamaslik bo‘yicha siyosat yuritishni va’da qilayotgan toliblarni olqishlagan. Yopiq kiyingan va qo‘llarida ingliz tilidagi shiorlarni ko‘tarib olgan namoyishchi ayollarni qurollangan jangarilar qo‘riqlagan.