“O‘zgidromet”ning xabar berishicha, o‘tgan hafta davomida Volgabo‘yi hududlaridan antisiklon hisobiga kirib kelgan salqin havo asta-sekin kuchsizlanadi. Salqin havo sharqqa, Qozog‘iston hududi tomonga qarab chekinadi.
13-sentabr, dushanba kuni O‘zbekistonda harorat 27-32 daraja bo‘lgan quruq va nisbatan salqin havo bo‘lishi kutilmoqda. Bu ushbu kunlarning me’yoriy qiymatlariga yaqindir.
14-sentabr, seshanba kuni va haftaning oxirigacha respublika hududi bo‘yicha kam bulutli va quruq ob-havo saqlanib turadi. Kechasi va erta tongda havo 12-15 daraja atrofida salqin bo‘ladi, kunduz kunlari esa quyosh nurlari havoni isitadi va harorat seshanba kuni 29-34 darajadan hafta oxiriga kelib 32-37 darajagacha asta-sekin ko‘tariladi.
Izoh (0)