Qalqonsimon bez bilan bog‘liq muammo borligidan darak beruvchi 8 simptom

Kichik, ammo organizmdagi eng muhim a’zolardan biri hisoblangan qalqonsimon bez faoliyatida muammo kuzatilishi bir qancha alomatlar bilan namoyon bo‘lib, ularga e’tiborsiz bo‘lish salbiy oqibatlarga olib kelishi mumkin.

Uyqu bilan bog‘liq muammolar

To‘satdan, sababsiz uxlashga va uyg‘onishga qiynalish, umuman olganda uyqu bilan bog‘liq muammolarning kuzatilishi qalqonsimon bez faolligining ortganidan darak beradi. Gap shundaki, qalqonsimon bezdan ajraladigan T3va T4 gormoni asab tizimini qo‘zg‘atib uyqusizlikka olib kelishi mumkin. Shu sabab ham bunday holat kuzatilsa, qalqonsimon bez kasalligi bor yoki yo‘qligini tekshirtirib ko‘ring.

Xavotir

Doimiy ravishda xavotirni his qilish ham qalqonsimon bezning faolligi haddan ortiq darajada jadallashganini bildiradi. Gormonning haddan ortiq ko‘pligi bosh miyaga ta’sir qilishi bu esa xavotirlanish hissining ortishiga olib kelishi mumkin.

Ichaklar bilan bog‘liq muammolar

Qalqonsimon bezdan ajraladigan gormonlar, oshqozon-trakti faoliyatini ham nazorat qiladi. Gormonlarning ko‘p yoki aksincha ko‘pligi muammolarni keltirib chiqarishi mumkin. Shu sabab ham diareya yoki qabziyat bezovta qilganda endokrinologga murojaat qilib qalqonsimon bez gormonlarini tekshirtirish kerak.

Soch tolalarining ingichkalashishi

Soch tolalari, ayniqsa qoshdagisi ingichkalashib, siyraklashsa qalqonsimon bez faoliyatida muammo kuzatilayotgan bo‘lishi mumkin, gormonlarning yetishmasligi sochlarga ham ta’sir qilmay qolmaydi.

Terlash

Qalqonsimon bez faolligi jadallashganini anglatuvchi alomatlardan biri keng tarqalgan alomatlardan haddan ortiq terlash sanaladi. Bu organizmdagi metabolizmni rag‘batlantiradigan, energiyani ko‘paytirib ter ajralishiga javob beradigan qondagi gormonlar miqdori oshgani bilan bog‘liq bo‘ladi. Agar odatdagidan ko‘p ter bosadigan bo‘lsa, bu qalqonsimon bez bilan bog‘liq bo‘lishi mumkinligini unutmang.

Vazn ortishi

Qalqonsimon bez faoliyatida muammo yuzaga kelganidan darak beradigan yana bir klassik simptom vazn ortishi hisoblanadi. Uning faolligi kamayganda, gormonlar yetishmasligi hisobiga metabolizm sekinlashadi va organizm kamroq kaloriya sarflaydi. Vazndagi har qanday to‘satdan sodir bo‘lgan o‘zgarish shifokorga murojaat qilish uchun jiddiy sabab bo‘la oladi.

Xotira bilan bog‘liq muammolar

Qalqonsimon bez faol bo‘lmaganda, miya faoliyati ham susayadi. Qalqonsimon bez funksiyasida muammo kuzatilgan bemorlarda xotira susayishi, anglash, va odatiy vazifalarini hal qilishda qiyinchilik kuzatiladi. Shu kabi holatlar kuzatiladigan bo‘lsa, ikkilanib o‘tirmasdan shifokorga borib tekshirtiring.