Termiz shahrida fuqarolarga uy olib berish, o‘qishga va ishga kiritib qo‘yishni va’da qilgan firibgarning kirdikorlari fosh etildi, deya xabar bermoqda Bosh prokuratura huzuridagi departament axborot xizmati.
Qayd etilishicha, departamentning Termiz shahar bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda muqaddam firibgarlik jinoyatlari uchun sudlangan fuqaro S.I. firibgarlik yo‘li bilan aldash va ishonchini suiiste’mol qilish orqali o‘zganing mulkini qo‘lga kiritish maqsadida fuqaro O.ga kam ta’minlangan oilalar uchun qurilgan uy-joydan olib berish evaziga 5 100 AQSh dollarini, fuqarolar B. va S.larni o‘qishga va ishga kiritib qo‘yish evaziga 2 500 AQSh dollarini qo‘lga kiritgani, shuningdek, bank muassasasidan fuqaro G.ning nomiga 30 million so‘m imtiyozli kredit olishga erishib, o‘zining ehtiyojlari uchun ishlatib yuborgani aniqlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)