Gulistonda Sirdaryo DXX boshqarmasi bilan hamkorlikda o‘tkazilgan tezkor tadbir natijasida odam savdosining oldi olindi, deya Bosh prokuratura departamenti xabar bermoqda.
S.O‘. Rossiyaga ishlash uchun ketgan F.N. bilan til biriktirib, N.ni Rossiyaga fohishalik bilan shug‘ullanish uchun jo‘natmoqchi bo‘lgan. N.ga Toshkent—Domodedovo yo‘nalishi bo‘yicha aviachipta xarid qilib, Toshkent xalqaro aeroportiga olib ketayotgan vaqtida ushlangan.
Holat yuzasidan Jinoyat kodeksining 135-moddasi (odam savdosi) bilan jinoyat ishi qo‘zg‘atilib, tergov o‘tkazilmoqda. Ushbu moddaga asosan ayblanuvchiga 3 yildan 5 yilgacha ozodlikni cheklash yoxud ozodlikdan mahrum qilish jazosi tayinlanishi mumkin.
Izoh (0)