Filippinda Jolina tayfuni tufayli kamida 11,8 ming kishi evakuatsiya qilindi. Bu haqda Filippin axborot agentligiga tayanib, “RIA Novosti” xabar berdi.
Agentlik xabariga ko‘ra, evakuatsiya Masbat, Albay va Sorsogon provinsiyalarida amalga oshirilgan. Hozircha qurbonlar haqida ma’lumot yo‘q. Biroq PAGASA Filippin meteorologiya xizmati mamlakat sharqiga yana bir tayfun — Kika yetib kelishi haqida ogohlantirdi.
Shiddat bilan esganda yangi tayfun markazidagi shamol tezligi soatiga 190 kilometrga yetadi.
Jolina tayfuni zaiflashgan va shamol tezligi soatiga 160 kilometrdan oshmayotgan bo‘lsa-da, Batangas shahri yaqinidagi hududlardan birining aholisi ko‘chki xavfi haqida ogohlantirildi.
Ikkala tayfun ham Filippinning shimoliy orollariga ta’sir ko‘rsatib, Xitoyning janubiy qirg‘oqlariga qarab harakatlanmoqda. Filippin poytaxti Manilada noqulay ob-havo tufayli 8-sentabr kuni maktablarda darslar bekor qilindi. Universitetlarda talabalarning 80 foizi onlayn ta’lim olmoqda.
Filippinda aprel oyida Surigay tayfuni sodir bo‘lib, 60 ming kishi evakuatsiya qilingandi. O‘shanda shamol tezligi 195 kilometr soatga yetib, uylarning tomini vayron qilgan va daraxtlarni qo‘porib tashlagan.
Izoh (0)