Singapurdagi AiTreat startapi insonlarni massaj qilishga qodir sun’iy intellektga ega EMMA robotini ixtiro qildi. Ta’kidlanishicha, u an’anaviy xitoy tibbiyoti tizimi bo‘yicha massaj qilishga qodir, deb xabar beradi “Korrespondent.net”.

Foto: CNN

Qurilma mushaklarning qattiqligini o‘lchaydigan uch o‘lchovli ko‘rish sensori yordamida ishlaydi. Uning “qo‘llari” Selsiy bo‘yicha 38-40 darajada qiziydi. Ular xuddi inson qo‘llari kabi yumshoq.

Ixtirochilar o‘z qurilmasi yaqin kelajakda u qadar qimmat bo‘lmagan massaj muolajalarini o‘tkazishni boshlashiga umid qilmoqda. Ayni vaqtda esa shahar shifoxonalarida shu kabi jami 11 ta qurilma ishlamoqda.

Foto: CNN

Avvalroq xitoyliklar insonga o‘xshash uy robotining prototipini namoyish etgani, Avstraliyada esa olma terishga qodir robot yaratilgani to‘g‘risida xabar berilgandi.