Namangan viloyati To‘raqo‘rg‘on tumanida Spark avtomobili yonib ketdi, deya xabar qilmoqda YHXBB.
Dastlabki ma’lumotlarga ko‘ra, 2021-yilning 6-sentabr kuni soat 16:00 larda, Namangan viloyati, To‘raqo‘rg‘on tumani, “Chustko‘prik” MFY, Tut ko‘chasida harakatlanib ketayotgan haydovchi, 1961-yilda tug‘ilgan F.Q. boshqaruvidagi Spark avtomobilining dvigatel qismida yong‘in yuzaga kelgan.
Haydovchi zudlik bilan avtomobilni to‘xtatgan va o‘t o‘chirish xizmatiga xabar bergan. Yong‘in o‘t o‘chiruvchilar tomonidan bartaraf qilingan. Hodisa natijasida tan jarohati olganlar yo‘q.
Mazkur hodisa yuzasidan To‘raqo‘rg‘on tumani FVB hamda YHXB xodimlari tomonidan surishtiruv harakatlari olib borilib, yong‘in yuzaga kelish sabablariga aniqlik kiritilmoqda.
Bundan tashqari, 2021-yilning 6-sentabr kuni soat 16:40 larda, Jizzax viloyati, G‘allaorol tumani hududidan o‘tgan M-39 avtomobil yo‘lining 1027-kilometrida, Samarqand–Toshkent yo‘nalishida harakatlanib ketayotgan haydovchi, 1985-yilda tug‘ilgan Sh.G‘. boshqaruvidagi “KamAZ” rusumli yuk avtomobilining gaz uskunasidagi nosozlik sabab yong‘in yuzaga kelgan.
Haydovchi avtomobilni zudlik bilan to‘xtatgan. Yong‘in o‘t o‘chiruvchilar tomonidan bartaraf etilgan. Hodisa natijasida tan jarohati olganlar yo‘q.
Mazkur hodisa yuzasidan G‘allaorol tumani FVB hamda YHXB xodimlari tomonidan surishtiruv ishlari olib borilmoqda.
Bundan avval Namanganda mashina gaz balloni portlagan uyda yong‘in sodir bo‘lgani, Qarshida harakatlanib ketayotgan Lacetti’da yong‘in chiqqani hamda Zominda yuk mashinasi bilan to‘qnashgan Nexia yonib ketgani haqida xabar berilgandi.
Izoh (0)