Buxoroda tanishi bilan bo‘lgan ishqiy munosabatini oshkor qilishini aytib, tanishidan pul undirayotgan qiz qo‘lga olindi. Bu haqda “Daryo”ga viloyat IIB axborot xizmati rahbari Shuhrat Jalolov xabar berdi.
Bildirilishicha, Romitan tumanida yashovchi 30 yoshli turmushga chiqmagan qiz R.Sh. 38 yoshli jondorlik fuqaro I.K.bilan ishqiy munosabatda bo‘lib kelgan. Ayol jazmaniga u bilan bo‘lgan ishqiy munosabatlarini uning oila a’zolariga oshkor qilishini aytib qo‘rqitgan va undan pul talab qilgan.R.Sh.ning ushbu xatti-harakatlari tufayli I.K. holat bo‘yicha Jondor tumani ichki ishlar bo‘limiga murojaat qilishga majbur bo‘lgan. R.Sh. esa tanishidan pul undirish maqsadida o‘rtasidagi ishqiy munosabatni oshkor qilish bilan uni qo‘rqitishda davom etgan.
2021-yilning 2-sentabr kuni R.Sh. Jondor tumanining “Qozikent” mahallasida joylashgan “Ziyo” kafesida I.K.dan 330 ming so‘m pulni olayotgan vaqtda qo‘lga olingan.
Mazkur holat yuzasidan tuman IIB huzuridagi tergov guruhi tomonidan qizga nisbatan Jinoyat kodeksining 165-moddasi (tovlamachilik) bilan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga doir:
- Namanganda Telegram’dagi yozishmalarini tarqatish bilan qo‘rqitib, 17 yoshli qizdan 200 dollar talab qilgan yigit ushlandi
- Xorazmda yozgan arizasini qaytarib olish uchun korxona rahbaridan 180 mln so‘m talab qilgan shaxs ushlandi
- Farg‘onada o‘zi bilan ishqiy munosabatda bo‘lgan erkak videosini tarqatmaslik evaziga undan 150 ming dollar talab qilgan ayol va sheriklariga sud hukmi o‘qildi
Izoh (0)