Twitter ijtimoiy tarmog‘i foydalanuvchilarga o‘z postlarini monetizatsiya qilish imkonini beradigan Super Follows pullik obuna funksiyasini qo‘shdi, deb xabar beradi Esquire.
Hozirda yangilanish faqat iOS va AQSh hamda Kanada akkauntlariga tegishli, biroq yaqin haftalarda u butun dunyodagi foydalanuvchilarda paydo bo‘ladi. Ijtimoiy tarmoq obunachilardan oyiga 2,99, 4,99 yoki 9,99 dollar to‘lash evaziga eksklyuziv tvitlarni o‘qishni taklif etmoqda. Super Follows’dan 18 yoshdan kattalar, 10 mingdan ortiq obunachisi borlar foydalana oladi.
Bundan tashqari, Twitter foydalanuvchilarni salbiy izohlardan cheklash imkonini beradigan xavfsizlik rejimini sinovdan o‘tkazishni boshlagan. Mazkur funksiyani yoqish yoki o‘chirish qarori mustaqil qabul qilinadi. Ijtimoiy tarmoq avtomatik ravishda haqoratli so‘zlarni qidiradi — so‘kinishlar yoki g‘azabni qo‘zg‘ovchi izohlar — va ularning mualliflarini bir haftaga “qora ro‘yxat”ga qo‘shadi.
Shuningdek, tizim salbiy izoh qoldirgan foydalanuvchining o‘zaro aloqasini baholaydi. Agarda u o‘zaro obuna yoki akkauntlarning muntazam ta’sirini tanisa, avtomatik bloklash amalga oshiriladi. Xatolik yuzaga kelganda ijtimoiy tarmoq foydalanuvchisi “qora ro‘yxat”dan qo‘lda chiqarib tashlash mumkin.
Izoh (0)