Xitoyda NASA tomonidan yaratilgan Ingenuity’ni yodga soluvchi vertolyotni taqdim etdi, deb xabar beradi Hi-Tech.Mail.ru.

Foto: Nssc.ac.cn

Xitoy Fanlar akademiyasi Kosmik fanlar milliy markazi (NSSC) saytida aytilishicha, taqdim etilgan loyihalarning barchasi “Mars yuzasini tadqiq etish kaliti” hisoblanadi. Hammasidan ham Marsda parvoz qilishga mo‘ljallangan prototip o‘ziga jalb qiladi.

Drondan tashqari, “Qizil sayyora” yuzasini tadqiq etishga mo‘ljallangan yangi qurilmalar ham taqdim etilgan. Aftidan, ular yordamida Xitoy marsolyot yoki bo‘lajak roverlari jihozlanadi. Gap mikrospektrometr, lazer zondlash tizimi va boshqa ixtirolar haqida ketmoqda.

Foto: Nssc.ac.cn

Xitoy dronining tashqi ko‘rinishini Amerika Ingenuity’siga o‘xshashligi tasodifiy emas: ularning ikkisi ham bitta sayyorani tadqiq etishga mo‘ljallangan, bir tipli atrof-muhit sharoitida yaxshi ishlaydi.

Ta’kidlash kerakki, Ingenuity Marsni zabt etishga muvaffaqiyatlarga erishmoqda. Yaqinda Amerika marsolyoti sayyoraning yangi suratlarini yuborgan.

Avvalroq Xitoy Milliy kosmik boshqarmasi Marsga qo‘ngan “Chjujun” marsoxodi tomonidan yuborilgan fotosuratlarni e’lon qilgandi.