Bugun,

  • USD 10940.05
  • RUB 182.26
  • EUR 11121.65

Pentagon Kobulda 29-avgust kuni o‘zi bergan aviazarba yuzasidan izoh berdi, deb yozadi “RBK”.

Foto: Reuters

Foto: Reuters

Nishon IShIDning mina joylashtirilgani gumon qilingan avtomobili bo‘lgan. Zarba natijasida portlash sodir bo‘lgan. Harbiylar hujumni Kobul aeroportiga nisbatan tahdid bilan izohladi.

Hujum dron yordamida amalga oshirilgan. Pentagonda ma’lum qilishlaricha, tinch aholi orasida qurbonlar yo‘q.

Ariana News guvohlarga tayanib yozishicha, raketa turar joyga kelib tushganidan keyin olti kishi, shu jumladan, to‘rt bola halok bo‘lgan, yana to‘rt kishi yaralangan. Raketa zarbasi oqibatida uyning bir qismi vayron bo‘lgan, shuningdek, ikkita mashinaga zarar yetgan.

Raketa Kobul aeroporti atroflariga kelib tushgani, natijada portlash yuz bergani haqida avvalroq ma’lum qilingandi. Dastlab ikki qurbon va uch yarador haqida ma’lum qilingan. Birozdan keyin Reuters AQSh Kobuldagi IShID terrorchilarini nishonga olganini xabar qildi.

Keyinroq Amerika droni bilan berilgan zarba oqibatida to‘qqiz kishi halok bo‘lgani ma’lum qilindi. Qurbonlarning barchasi bitta oila a’zolari bo‘lgan, ularning olti nafari — bolalar, eng kichigi ikki yoshda bo‘lgan.

AQSh Markaziy qo‘mondonligi aviazarbalar oqibatida tinch aholi orasidagi ehtimoliy talafotlarni hisoblab chiqayotganini ma’lum qildi. Talafotlarni ular Amerika droni nishoniga aylangan mashinada katta miqdroda portlovchi modda bo‘lgani bilan bog‘lamoqda.

Halok bo‘lganlarning qarindoshi aniqlik kiritishicha, voqea joyida ikkita avtomobil — Toyota Corona va Toyota Camry bo‘lgan, qurbonlar shularning birida o‘tirgan.

Bu hokimiyat tepasiga “Tolibon” kelganidan keyin AQSh tomonidan olib borilgan evakuatsiya fonida Kobul aeroporti yaqinida sodir bo‘lgan portlashdan keyin amerikalik harbiylar bergan ikkinchi aviazarbadir.

IShID terakt uchun javobgarlikni o‘z zimmasiga olgandi. AQSh prezidenti Jo Bayden razvedkaga tayanib ma’lum qilganidek, hujum ortida IShIDning Afg‘oniston va Pokistondagi yacheykasi — “Xuroson viloyati islom davlati” turibdi. Baydenning so‘zlariga ko‘ra, ular hujum uchun javob beradi.

Portlashdan keyin AQSh harbiylari Afg‘onistonda dron yordamida IShIDga zarbalar berdi va terrorchilarning ikki yetakchisini yo‘q qildi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi