Ijtimoiy tarmoqlarda “‘Xalqlar do‘stligi’ san’at saroyi yonida ommaviy mushtlashuv ro‘y berdi” deb nomlangan videotasvir tarqalmoqda. Holat yuzasidan Toshkent shahar IIBB ma’lumot berdi.
Qayd etilishicha, 2021-yilning 26-avgust kuni soat 16:00 larda Chilonzor tumani “Xalqlar do‘stligi” san’at saroyi oldida xususiy kinokompaniya tomonidan teleserialning tasvirga olish ishlari olib borilayotgan edi. Suratga olish jarayonida aktyorlar o‘zaro gap talashib, tortishib qolgan va janjallashib ketishgan.
Og‘zaki janjal natijasida hech kim tan jarohati olmagan.
Hozirda mazkur holat yuzasidan tergovga qadar tekshiruv olib borilmoqda, natijasi bo‘yicha qonuniy qaror qabul qilinadi.
Bundan avval Namanganda qimorbozlar pichoqlashgani aytilgan video yuzasidan ma’lumot berilgani, Surxondaryodagi maktabda o‘zaro janjallashgan o‘qituvchilarga jinoyat ishi qo‘zg‘atilgani hamda Qashqadaryoda mast ota o‘g‘lini temir bo‘lagi bilan urib, o‘ldirib qo‘ygani haqida xabar berilgandi.
Izoh (0)