Farg‘ona viloyati O‘zbekiston tumanidagi tug‘ruqxonada bir erkak shifokorni sochidan tortib sudragani, ushbu fuqaro sobiq IIB xodimi ekani aniqlangani haqida xabar berilagan edi. Bosh prokuratura matbuot xizmati gumonlanuvchi shaxs ushlanganini ma’lum qildi.
Qayd etilishicha, holat yuzasidan Jinoyat kodeksining 277-moddasi (bezorilik) bilan jinoyat ishi qo‘zg‘atilgan bo‘lib, jinoyat ishi bo‘yicha Farg‘ona viloyati IIB huzuridagi Tergov boshqarmasi tomonidan tergov harakatlari olib borilmoqda.
Tergov ustidan Bosh prokuratura tomonidan nazorat o‘rnatilgan.
Shuningdek, IIV matbuot xizmati gumonlanuvchi shaxs S.S. haqiqatdan ham muqaddam (1998—2002-yillarda) ichki ishlar organlarida xizmat qilganini tasdiqladi. Bildirilishicha, u surunkali ravishda xizmat intizomini buzgan hamda ichki ishlar organlari xodimlariga nomunosib xatti-harakatlari uchun 2002-yilda ichki ishlar organlaridan haydalgan.
Mavzuga doir:
- Namanganda issig‘i ko‘tarilganidan shikoyat qilib kelgan aka-ukadan COVID-19’ga chalinmaganini bilmoqchi bo‘lgan shifokor ayovsiz kaltaklandi
- Samarqandda fuqaro farzandini davolashga kelmagan navbatchi shifokorlarni kaltakladi
- Toshkentda bir yil davom etgan sud ishidan so‘ng jurnalistni haqorat qilgan bosh shifokor aybdor deb topildi
Izoh (0)