Ijtimoiy tarmoqda “Niqobsiz, bodikamerasiz GAI xodimi” sarlavhasi ostida video tarqaldi. Ushbu video yuzasidan Navoiy viloyati IIB YHXB mas’ul xodimi tomonidan xizmat tekshiruvi o‘tkazildi.
Xizmat tekshiruvi xulosasiga ko‘ra, O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan “Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi nizom” hamda ichki ishlar vazirining me’yoriy buyrug‘i talablarini buzgani aniqlangan.
Bundan tashqari, O‘zbekistonga koronavirus kirib kelishi va tarqalishining oldini olish bo‘yicha Respublika maxsus komissiyasining qarori talablariga zid ravishda, jamoat joyida tibbiy niqob taqmaganligi uchun Navoiy viloyati IIB YHXB YPX xodimi A.Xudoyberdiyevga hayfsan intizomiy jazosi qo‘llanilishi belgilandi.
Bundan avval “Ichki ishlar vazirligining buyrug‘iga bo‘ysunmaydigan komandir” nomi ostida tarqalgan video yuzasidan rasmiy bayonot berilgani, Toshkentda Gentra’ni kiyimsiz boshqarib ketayotgan mast fuqaro javobgarlikka tortilgani hamda Qashqadaryoda ikki shaxs ichki ishlar xodimlariga pichoq bilan hujum qilgani haqida xabar berilgandi.
Izoh (0)