Bugun,

  • USD 10920.28
  • RUB 177.49
  • EUR 11052.42

Isroil harbiylari HAMAS harakatining qurol ishlab chiqariladigan obyektlariga zarba berdi, deb yozadi “RBK” Isroil Mudofaa armiyasiga tayanib.

Foto: Anadolu agency

“HAMAS Isroil va G‘azo chegarasida keltirib chiqargan shafqatsiz tartibsizliklarga javoban, bizning kuchlarimiz hozirgina HAMASning qurol ishlab chiqaruvchi to‘rtta obyektiga va omborlariga zarba berdi”, — deyiladi xabarda.

Falastin hukumati ma’lumotlariga ko‘ra, qochqinlar lagerlari ham hujum ostida qolgan. Falastinliklar bunga javoban Isroil samolyotlarini yirik kalibrli pulemyotlardan o‘qqa tutgan.

Avvalroq, 21-avgust kuni G‘azo sektorining shimoliy chegarasida norozilik namoyishlariga chiqqan falastinliklar va politsiya o‘rtasida to‘qnashuv yuz berdi. Harbiylar ma’lum qilishicha, namoyish ishtirokchilari to‘siq inshootlaridan oshib o‘tib, harbiy xizmatchilarga qarata portlovchi qurilmalarni uloqtirgan.

Isroil armiyasi bir askar yaralanganini ma’lum qilgan. Harbiylar bunga javoban namoyishchilarga qarshi rezina o‘qlar qo‘llagan, oqibatda 41 nafar falastinlik jabrlangan, yaralanganlar orasida 13 yoshli bola ham bo‘lgan.

G‘azodagi namoyishlar Quddusdagi “Al-Aqso” masjidi yoqib yuborilgan kun (1969-yil 21-avgustda yoqib yuborilgan) munosabati bilan boshlandi. O‘shanda Avstraliyadan kelgan sayyoh Maykl Roxan ushbu jinoyatga qo‘l urgan, keyinroq Isroil hukumati uni aqli noraso deb topib, ruhiy shifoxonaga joylashtirdi, so‘ng uyiga deportatsiya qildi.

Yong‘in oqibatida qimmatbaho tarixiy buyumlar, shu jumladan, sulton Salohiddin tomonidan keltirilgan yog‘och minbar yo‘q bo‘lib ketgan.

Falastinliklar har yili avgust oyining so‘nggi haftasida ushbu qilmishni qoralovchi aksiyalar tashkil qiladi.

Izoh
Asosiy yangiliklar
Mahalliy
Toshkent xalqaro aeroportida sumka va kolyaskada qariyb 1,2 kg tilla buyumlarni olib o‘tmoqchi bo‘lgan shaxs ushlandi
Mahalliy
Jizzaxda aliment pulini undirish uchun borgan MIB xodimi pichoqlandi
Dunyo
Bangladesh talabalari yoqilg‘i narxi oshishiga qarshi norozilik namoyishi o‘tkazdi