Toshkent shahridagi O‘zbekiston xalqaro anjumanlar saroyida Prezident Shavkat Mirziyoyevning tadbirkorlar bilan ochiq muloqoti bo‘lib o‘tdi.
Unda Shavkat Mirziyoyev kreditlashni bozor mexanizmlariga o‘tkazish, uning foizlarini pasaytirish, tadbirkorlar oldidagi mavjud muammolarni olib tashlash masalalariga to‘xtalib o‘tdi.
Shundan so‘ng buxorolik tadbirkor so‘zga chiqib, Prezidentga minnatdorlik bildirdi.
“Hurmatli Prezident, hozir banklar va rahbarlarga bergan topshiriqlaringizdan o‘zimni voobshe yo‘qotib qo‘ydim”, — dedi u.
Davlat rahbari ham tadbirkorga hazilomuz tarzda:
“Voobshe yo‘qotma o‘zingni! Voobshe”, – dedi.
Bundan avval O‘zbekistonda tadbirkorlarga kreditni milliy valyuta — so‘mda berish tizimi yo‘lga qo‘yilishi, O‘zbekistonda 1-oktabrdan mikro-moliya tashkilotlarini litsenziyalash tartibi to‘liq bekor qilinishi hamda Shavkat Mirziyoyev tadbirkorlarga o‘z korxonalari ularga mulk qilib rasmiylashtirib berilishini ma’lum qilgani haqida xabar berilgandi.
Izoh (0)