Samarqand viloyatining Urgut tumanida bezorilik sodir qilgan 8 nafar shaxs qamoqqa olindi, deb xabar bermoqda viloyat IIB matbuot xizmati.
Ma’lum qilinishicha, 28-iyul kuni Urgut tumani “Pastki Qayroqli” mahallasida yashovchi M.M., Damas’da o‘zining tanishlari bilan, “Kamangaron” mahallasiga yashovchi tanishi T.А. ni uyidan olib, “Urgut istirohat bog‘i”ga aylanish uchun ketayotganida, shu mahallada yashovchi bir necha fuqarolar ularni ko‘rib qolib, avtomashinasini qisib to‘xtatga, so‘ng ularni sababsiz urib, tan jarohatlari yetkazgan.
Tuman IIB navbatchilik qismiga kelib tushan xabarga asosan, voqea joyiga IIB xodimlari zudlik bilan yetib borib, fuqarolarni tinchlantirayotgan vaqtida, bir guruh fuqarolar IIB xodimlarining qonuniy talablariga bo‘ysunmasdan, ularga qarshilik ko‘rsatgan.
Holat yuzasidan Urgut tumani IIB huzuridagi Tergov bo’limi tomonidan Jinoyat kodeksining 277-moddasi 3-qismi “g” bandi bilan (jamoat tartibini saqlash vazifasini bajarib turgan hokimiyat vakiliga qarshilik ko‘rsatib sodir etilgan bezorilik) jinoyat ishi qo‘zg‘atilib, gumonlanuvchilar protsessual tartibda ushlangan. Hozirda dastlabki tergov harakatlari o‘tkazilmoqda.
Izoh (0)