Bugun,

  • USD 11095.31
  • RUB 173.84
  • EUR 10772.44

Prezident Shavkat Mirziyoyevga ishbilarmonlar tomonidan yo‘llangan murojaatlarning 2 mingga yaqini oilaviy tadbirkorlik yo‘nalishini tashkil etadi. Bu haqda davlat rahbari tadbirkorlar bilan bo‘lib o‘tayotgan ochiq muloqotda ma’lum qildi, deb xabar beradi “Daryo” muxbiri.

Foto: “Daryo” / Madina Nurman

Foto: “Daryo” / Madina Nurman
Islohotlarimiz uchun o‘ta muhim bo‘lgan oilaviy tadbirkorlik yo‘nalishida ham 2 mingga yaqin murojaatlar kelib tushgan. Endi bu yangi tizimda odamlarimiz tadbirkorlik uchun kredit olaman deb hokimiyatga, bankka yoki boshqa idoraga borib yurmaydi, asbob-uskunalarni sotib olish uchun ta’minotchini qayerdan topaman deb, bosh qotirishga zarurat qolmaydi.

Kreditni rasmiylashtirishdan tortib, mahsulotni olish-sotishgacha bo‘lgan barcha jarayonlar, elektron tarzda, onlayn hal etiladi.

O‘z navbatida, ushbu platforma ta’minotchi korxonalar uchun ham, kamida 10 trillion so‘mlik bozor yaratadi. Ya’ni ta’minotchilar uchun, o‘zlari ishlab chiqargan asbob-uskunalar, xomashyo va tayyor mahsulotlarni to‘g‘ridan to‘g‘ri sotish imkoniyati yaratiladi.

Iqtisodiy kompleks rahbarlari Qo‘chqorov, Nurmuratov, tijorat banklari uch oy muddatda joylarda, tadbirkor va aholimizga ushbu qulayliklarni keng tushuntirib, undan samarali foydalanishni yo‘lga qo‘yishni tashkil etishlari zarur.

Bu borada, mahallabay ish tashkil etish bo‘yicha “Andijon tajribasi”ni butun mamlakat bo‘ylab keng qo‘llash lozim bo‘ladi.

Shavkat Mirziyoyev, O‘zbekiston Prezidenti

Avvalroq Shavkat Mirziyoyev tashabbus ko‘rsata olmaydigan, yangi-yangi g‘oyalarni ko‘tarib chiqishga, o‘zgarish qilishga intilishi bo‘lmagan rahbarlarga nisbatan juda qattiq talab va choralar bo‘lishini bildirgan edi.Eslatib o‘tamiz, aprel o‘rtalarida Shavkat Mirziyoyev O‘zbekistonda Mahallabay ishlash markazi tashkil etilishini ma’lum qilgandi. Bu kabi markazlar Samarqand viloyatining Past Darg‘om, Urgut va Bulung‘ur tumanlarida 2021-yil 1-iyundan boshlab, viloyatning qolgan tuman (shahar)larida 1-avgustga qadar tashkil etilishi belgilangandi. 2022-yil 1-yanvardan boshlab mazkur eksperimentni respublikaning boshqa hududlarida joriy qilish bo‘yicha takliflar tayyorlanadi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi