O‘zbekiston ichki ishlar vaziri o‘rinbosari — Jamoat xavfsizligi departamenti boshlig‘i polkovnik Bekmurod Abdullayev Surxondaryo viloyatida huquqbuzarliklar profilaktikasini amalga oshirish, jinoyatchilikka qarshi kurashish, xizmat intizomi va qonunchilikka rioya qilish masalalari bo‘yicha uchrashuvlar o‘tkazdi.
Uchrashuvlarda viloyatning barcha tuman IIBlari boshliqlari, ularning jamoat xavfsizligini ta’minlash bo‘yicha o‘rinbosarlari, HPB, YHXB boshliqlari, PPX va JTSB, Probatsiya xizmati (10 nafar) katta inspektorlari va barcha (161 nafar) profilaktika inspektorlari qatnashgan.
Muloqot chog‘ida viloyatning Sherobod, Muzrabot, Qiziriq, Bandixon va Boysun tumanlari IIBlari tomonidan 2021-yilning yanvar—iyul oylari davomida huquqbuzarliklar profilaktikasini amalga oshirish, jinoyatchilikka qarshi kurashish borasida amalga oshirilgan ishlar va yo‘l qo‘yilgan kamchiliklar xato-kamchiliklar tanqidiy ko‘rib chiqilgan.
Shuningdek, xizmat davomida ijobiy natijaga erishgan 10 nafar profilaktika inspektorlari, uch nafar YHXB inspektorlari, ikki nafar Probatsiya bo‘limi inspektorlariga 1 million so‘mdan pul mukofoti, 10 nafar profilaktika inspektorlariga qimmatbaho sovg‘alar va 10 nafar profilaktika inspektorlariga tashakkurnomalar berildi.
Bundan tashqari, avval jinoyat sodir etgani uchun ozodlikdan mahrum etilgan, ozodlikka chiqqach nazoratda bo‘lgan, xulq-atvori ijobiy tomonga o‘zgargan, namunali fuqarolar ham rag‘batlantirilgan.
Mazkur uchrashuvlarda Mahalla va oilani qo‘llab-quvvatlash vaziri o‘rinbosari Botir Parpiyev ham ishtirok etdi. Vazir o‘rinbosari vazirlikning hududiy bo‘linmalari xodimlariga kelgusida amalga oshirilishi lozim bo‘lgan vazifalar bo‘yicha topshiriqlar berib, bir qator mahalla raislari va ularning o‘rinbosarlariga qimmatbaho sovg‘alar topshirdi.
Izoh (0)