Deniel Kreyg Britaniyaning eng ko‘p maosh oladigan aktyorlaridan biri hisoblanadi. Hozirda Jeyms Bond filmlari yulduzining boyligi 160 millionga baholanmoqda. Bu mablag‘ farzandlari va hatto nabiralarining yashashi uchun ham yetarli bo‘lardi, lekin Kreyg o‘z farzandlariga meros qoldirmaslikka qaror qildi. Bu haqda 53 yoshli aktyor Candis jurnaliga bergan intervyusida aytib o‘tgan, deb yozadi Glamour nashri.
“Men keyingi avlodlarimga katta meros qoldirishni xohlamayman”, — degan Kreyg. — Pulni meros qilib olishning o‘zi yoqimsiz narsa. O‘limimdan oldin barcha boyligimni sarflab yubormoqchiman yoki undan qutulmoqchiman”.
Eslatib o‘tamiz, Kreygning ikki farzandi bor: sobiq rafiqasi Fiona Loudondan 29 yoshli Ella ismli qizi va aktrisa Reychel Vaysdan uch yoshli kenja qizi (uning ismi jurnalistlarga hozirgacha noma’lum). Shuningdek, aktrisa rejissor Darren Aronofskiy bilan bo‘lgan turmushidan 15 yoshli o‘g‘li Genrini ham tarbiyalaydi.
Kreyg boyligini bolalariga qoldirishni istamaydigan yagona mashhur odam emas. Facebook asoschisi Mark Sukerberg kompaniya aksiyalarining 99 foizini xayriya ishlariga sarflashga va’da bergan. Microsoft asoschisi Bill Geyts ham xuddi shu yo‘lni tanlagan: 2010-yilda yirik investor Uorren Baffet bilan birgalikda The Giving Pledge kompaniyasini tashkil qildi. Uning maqsadi — boy odamlarni ularning boyliklarining katta qismini xayriya ishlariga sarflashga undash.
Izoh (0)