Bugun,

  • USD 11095.31
  • RUB 173.84
  • EUR 10772.44

AOKAda bo‘lib o‘tgan brifingda SSV huzuridagi Koronavirusga qarshi kurashish shtabi a’zosi Nurmat Otabekov qanday holatlarda koronavirusga qarshi emlanishdagi tibbiy cheklovlar borligiga oydinlik kiritdi, deb xabar beradi “Xalq so‘zi Online”.

Foto: “Daryo” / Madina Nurman

Foto: “Daryo” / Madina Nurman

COVID-19 ga qarshi emlashga mone’lik (to‘siq) qiluvchi holatlar:

  • vaksinaning komponentlariga yuqori sezgirligi bo‘lgan shaxslar;
  • anamnezida og‘ir allergik reaksiyalari bo‘lgan shaxslar;
  • o‘tkir yuqumli va yuqumsiz kasalliklar bilan kasallanganlar;
  • homilador va emizuvchi ayollar;
  • 18 yoshgacha bo‘lgan bolalar;
  • OIV infeksiyasiga chalingan shaxslar;
  • koronavirus infeksiyaning o‘tkir shakli simptomlari bo‘lgan bemorlar, laboratoriyada COVID-19 musbat natija bergan, biroq klinik belgilari kuzatilmayotgan shaxslar va koronavirusga chalingan bemorlar bilan muloqotda bo‘lgan shaxslar, karantin muddati tugaganidan so‘ng emlanadi.
Ta’kidlanishicha, barcha turdagi emlashlarni amalga oshirishdan avval shifokor emlanuvchi shaxsda allergik reaksiyalar bor yoki yo‘qligiga aniqlik kiritadi va oldingi emlashlardan so‘ng og‘ir allergik reaksiyalar kuzatilgan bo‘lsa, u holda emlashdan tibbiy cheklov beriladi.

Shaxsga qon va uning komponentlari quyilgan taqdirda COVID-19 ga qarshi emlash:

  • eritrotsitar yoki leykotsitar massa quyilganida 6 oydan keyin;
  • trombotsitar massa yoki plazma quyilganida 7 oydan keyin;
  • immunoglobulin yuborilgan holatda koronavirus infeksiyasiga qarshi emlash immunoglobulin yuborilganidan 3 oydan keyin;
  • grippga qarshi emlangan bo‘lsa — 1,5 oydan keyin;
  • boshqa turdagi vaksina, immunoglobulin, zardob va anatoksinlar bilan emlangan taqdirda 1 oydan keyin amalga oshirilishi kerak.
Avvalroq Nurmat Otabekov AQShda aniqlangan yota shtammining O‘zbekistonga kirib kelish ehtimoli yo‘q emasligini ma’lum qilgandi.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Mahalliy
Shavkat Mirziyoyev Volodin boshchiligidagi Rossiya parlament delegatsiyasini qabul qildi (foto)
Dunyo
Saakashvilining organizmida margimush topildi — advokat