O‘zbekiston Respublikasi Prezidenti Shavkat Mirziyoyev 13-avgust kuni Tokio—2020 yozgi Olimpiya o‘yinlari ishtirokchilari, ularning murabbiylari hamda ota-onalari bilan uchrashdi.
Turizm va sport vazirligi matbuot xizmatiga ko‘ra, uchrashuvda musobaqada g‘olib va sovrindor bo‘lgan sportchilar, ularning murabbiylarini faxriy unvon, orden hamda medallar bilan mukofotlash to‘g‘risidagi farmon o‘qib eshittirilgan.
Farmonga muvofiq, Bahodir Jalolov “Fidokorona xizmatlari uchun” ordeni, Ulug‘bek Rashidov va Akbar Jo‘rayev “O‘zbekiston iftixori” medali bilan taqdirlandi.
Bekzod Abdurahmonov “O‘zbekiston Respublikasida xizmat ko‘rsatgan sportchi” unvoni, Davlat Bobonov esa “Shuhrat” medali bilan taqdirlandi. Shuningdek, sportchilarning murabbiylari va boshqa ishtirokchilar ham munosib taqdirlangan.
Ma’lumot uchun, Tokio Olimpiadasida Ulug‘bek Rashidov (taekvondo), Akbar Jo‘rayev (og‘ir atletika) va Bahodir Jalolov (boks) oltin, Davlat Bobonov (dzyudo) hamda Bekzod Abdurahmonov (erkin kurash) bronza medaliga ega chiqdi.
Mavzuga doir:
- “Umrim davomida hech qachon bunaqa adolatsizlikni ko‘rmaganman”. Bosh vazir Abdulla Aripov Olimpiadadagi nohaqliklar haqida gapirdi
- Tokio Olimpiadasi oltin medal egalariga Tahoe va 4 sotixli hovli, bronza qo‘lga kiritganlarga esa Trailblazer va 2 xonali uy berildi
- “O‘g‘limning orzulari ushaldi. Afsuski, dadasi bu kunlarni ko‘rmadi”. Tokio Olimpiadasi sovrindorlarining onalari bilan suhbat
Izoh (0)