DXX Samarqand viloyat boshqarmasi hamda IIB hamkorligida o‘tkazilgan tezkor tadbirda 16 sotix yerni noqonuniy sotishga uringan fuqarolar qo‘lga olindi. Bu haqda “Daryo”ga DXX viloyat boshqarmasi xabar berdi.
Qayd etilishicha, viloyatning Jomboy tumanida yashovchi fuqarolar — T.E. va N.D. Samarqand suv xo‘jaligiga qarashli 16 sotix yerni fuqaro Sh.B.ga noqonuniy ravishda rasmiylashtirib berishni va’da qilib, evaziga 33 ming 200 dollar so‘ragan.
DXX va IIB hamkorligida o‘tkazilgan tezkor tadbirda yer sotuvchilar fuqarodan kelishilgan pulning 7 ming dollarini olayotgan paytda ashyoviy dalillar bilan qo‘lga olingan.
Hozirda aniqlangan holat yuzasidan Jomboy tuman prokuraturasi tomonidan Jinoyat kodeksining 168-moddasi (firibgarlik) va 211-moddasi (pora berish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Sirdaryoda hokimlik zaxirasidagi 14 gektar yerni 30 ming dollar evaziga rasmiylashtirib berishga uringan ota-bola aniqlandi
- Toshkent viloyatida 7 gektar yer olib berish uchun 23,5 ming dollar pora olgan shaxslar ushlandi
- Farg‘onada 50 sotix yerni 25 ming dollarga noqonuniy sotmoqchi bo‘lgan MChJ boshlig‘i ushlandi
Izoh (0)