Tabiiy energiya manbasi bo‘lgan bodom boshqa ko‘plab yong‘oqlar singari foydali ozuqalar — ko‘p miqdorda kletchatka, E vitamini, oqsil va boshqa muhim komponentlarga boy. Olimlarning aniqlashicha, bodom tarkibida, taxminan, 130 xil foydali birikma mavjud.
Yurak kasalligi xavfini kamaytiradi
Bodom tarkibida bo‘lgan polifenollar (kimyoviy birikma) antioksidant ta’sirga ega bo‘lib, xolesterin miqdorini yaxshilaydi va yurak xastaligi ehtimolini kamaytiradi.
Qondagi qand miqdorini nazorat qiladi
Bodom sog‘lom ovqatlanishning bir qismi sifatida qandli diabet bilan og‘rigan bemorlarda glisemik holatni yaxshilaydi.
Xotirani yaxshilaydi
Bodom iste’moli tufayli kognitiv funksiya o‘rtasidagi bog‘liqlik ta’minlanadi.
Ichak mikroflorasini yaxshilaydi
Bodomda kletchatka va polifenollarning ko‘pligi tufayli organizmga prebiotik ta’sir ko‘rsatishi mumkin.
Bodom barcha yong‘oqlarning eng yaxshisimi?
Bodom tarkibida fundik, makadamiya, pista va yong‘oqqa qaraganda kamroq yog‘ mavjud. Ammo bodom eng ko‘p kalsiy, temir, magniy, fosfor va ruxga moddalariga ega.
Bodom suti sigir suti o‘rnini bosa oladimi?
Agar laktoza bilan kelisholmasangiz, vegetarian bo‘lsangiz yoki sut mahsulotlarini yoqtirmasangiz, unda shakarsiz bodom sutini tanlang. Bunda tarkibida shakar yo‘qligiga ishonch hosil qiling, shuningdek, natriy tarkibini ham tekshirish lozim. Bodomning ba’zi xushbo‘y navlari tarkibida 230 milligrammgacha natriy bo‘lishi mumkin.
Bodom pastasi haqida nima deyish mumkin?
Yeryong‘oq yog‘ini xohlamaysizmi? Unda ozuqa qiymati jihatidan yong‘oqqa o‘xshash bodom pastasidan tatib ko‘ring. Yeryong‘oq bodomga qaraganda ko‘proq oqsilga ega, lekin ikkalasi ham to‘yimli va ovqatga bo‘lgan ishtahani yengillashtiradi.
Bundan tashqari, bodom yog‘ida E vitamini (yeryong‘og‘dan uch baravar ko‘p), kalsiy, kaliy va magniy — qon bosimini muvozanatlash uchun zarur oziq moddalar mavjud. Qo‘shimchalarsiz va tarkibida shakar bo‘lmagan bodom pastasidan oling. Yong‘oq va bodom yog‘i tarkibida faqat yong‘oq va tuz bo‘lishi lozim.
Bodom unining o‘ziga xos xususiyati nimada?
Yuqori proteinli bodom uni boshqa donsiz unlarga eng yaxshi alternativ hisoblanadi. Bu mahsulotning atigi 2 osh qoshig‘i organizmning E vitaminiga bo‘lgan kunlik qiymatining 15 foizigacha ta’minlay oladi. Bodom uni seliakiya kasalligi yoki glyuten yetishmovchiligi bo‘lgan odamlar uchun foydalidir, chunki u non yoki pishiriq ko‘rinishida ham bemalol bug‘doy o‘rnini bosa oladi.
Izoh (0)