Samarqand viloyati Past Darg‘om tumanidagi xonadonlarning birida yong‘in yuz berib, unga tutash uyga ham zarar yetkazdi. Bu haqda FVV matbuot xizmati xabar berdi.
Ma’lum qilinishicha, 11-avgust kuni soat 10:32 da tumanning “Mirzoto‘p” MFY, P.Xudoyberdiyev ko‘chasida yong‘in bo‘layotgani to‘g‘risida favqulodda vaziyatlar bo‘limiga xabar kelib tushgan. Shunga ko‘ra, 3 ta yong‘in-qutqaruv ekipaji soat 10:38 da voqea joyiga yetib borib, soat 11:03 da yong‘in o‘rab olingan va soat 11:34 da batamom o‘chirilgan.
Yong‘in oqibatida bir-biriga tutash qurilgan uylarda birinchisining 150 kvadrat metr hamda qo‘shni uyning 10 kvadrat metr maydonda tom qismi yonib, zararlangan. Hodisa oqibatida halok bo‘lgan va jabrlanganlar yo‘q.
Xabarda aytilishicha, hozirda yong‘in sababi va moddiy zarar miqdori aniqlanmoqda.
Avvalroq Samarqand shahrining Shohizinda ko‘chasida 5 ta xonadonda yong‘in yuz bergani, shaharning “Bog‘ibaland” MFYda joylashgan bir-biriga tutash ikki uy yonib ketgani haqida xabar berilgandi.
Izoh (0)