Surxondaryoning Sho‘rchi tumanida “ZIL” yuk mashinasi haydovchisi teplovoz urib ketishi oqibatida vafot etdi. Bu haqda viloyat IIB YHXB matbuot xizmati xabar berdi.
Ma’lum qilinishicha, voqea 7-avgust kuni soat 23:30 lar atrofida Sho‘rchi—Elbuloq temiryo‘l bekatlari oralig‘ida yuz bergan. “ZIL” yuk mashinasi rezerv teplovoz harakatlanib kelayotganini ko‘ra turib, temiryo‘l kesishmasidagi svetofor chiroqlariga amal qilmasdan, yo‘lni kesib o‘tmoqchi bo‘lgan, ammo yaqinlashib qolgan teplovoz yuk mashinasini urib ketgan. Oqibatda “ZIL”dagi 43 yoshli haydovchi vafot etgan.
Xabarda ta’kidlanishicha, u 10 yillik haydovchilik tajribasiga ega bo‘lgan, yuk mashinani esa ijaraga olib haydab kelayotgan bo‘lgan.
Mavzuga doir:
- Surxondaryoda Damas harakatlanayotgan yo‘lovchi poyezdiga kelib urildi. Haydovchi shifoxonada vafot etgan
- Surxondaryoda teplovoz Matiz’ni urib yubordi. Avtomobil haydovchisi voqea joyida vafot etgan
- Farg‘onada shlagbaumni aylanib o‘tmoqchi bo‘lgan yuk mashinasi poyezd bilan to‘qnashdi. Haydovchi voqea joyida vafot etdi
Izoh (0)