Bugun,

  • USD 11014.01
  • RUB 191.8
  • EUR 10674.78

Ibrohim Raisiy 5-avgust kuni Eron Majlisi (parlamenti)da mamlakatning yangi prezidenti sifatida qasamyod qabul qildi, deb yozadi “TASS”.

Foto: EPA

Foto: EPA

Marosim qonun chiqaruvchi va sud hokimiyati rahbarlari, shuningdek, yuqori mansabli amaldorlar va harbiylar ishtirokida bo‘lib o‘tdi.

Prezident o‘z zimmasiga yuklangan barcha majburiyatlarni bajarish uchun bor imkoniyatlarini ishga solishga qasamyod qildi.

Inauguratsiya marosimida dunyoning 70 dan ortiq mamlakatidan kelgan 115 ga yaqin vakillar qatnashdi.

Prezident, shuningdek, mamlakat yadro qurolini yaratmasligini ma’lum qildi. “Eronning yadro dasturi faqat tinch xususiyatga ega va oliy rahnamoning fatvosiga muvofiq, yadro quroli taqiqlangan, Eron mudofaa strategiyasida esa unga o‘rin yo‘q”, — dedi Raisiy.

Uning qo‘shimcha qilishicha, Eron xalqiga qarshi qaratilgan sanksiyalar bekor qilinishi kerak. “Ushbu maqsadga yetaklaydigan har qanday diplomatik reja biz tomonimizdan qo‘llab-quvvatlanadi”, — dedi Eron prezidenti.

Eronda prezident saylovlari iyun oyida bo‘lib o‘tdi. Eron Oliy sudi raisi Ibrohim Raisiy 17,9 million kishi (saylovchilarning 62 foizi)ning ovozini qo‘lga kiritib, mamlakat prezidenti etib saylandi.

Iyul oxirida Eronda ichimlik suvi yetishmasligi tufayli norozilik namoyishlari bo‘lib o‘tgandi. Xuziston viloyatidagi norozilik namoyishlari tufayli amaldagi prezident Hasan Ruhoniy davrining so‘nggi haftalari og‘ir kechdi. Saylangan prezident Ibrohim Raisiy inauguratsiyasini kutmasdan mamlakatda tartibni tiklashga kirishdi.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi