Bugun,

  • USD 11095.31
  • RUB 173.84
  • EUR 10772.44

Tesla’ning Xitoydagi bo‘linmasi Amerika markasi lineykasidagi eng arzon birinchi modelni yig‘di, deb xabar beradi Motor. Gap ixcham elektroxetchbek haqida ketmoqda: taxminlarga ko‘ra, u Model 2 nomiga ega bo‘ladi va boshlang‘ich narxi 25 ming dollarni tashkil etadi.

Foto: Tesla

Foto: Tesla

Ma’lumotlarga ko‘ra, Tesla ehtiyot qismlarni yetkazib beradigan aksariyat kompaniyalar bilan bitim imzolagan va Tesla Gigafactory Shanghai korxonasini ishlab chiqarishni boshlashga tayyorlamoqda. Xitoy uchun hamyonbop Tesla’ning seriyali yig‘ish ishlari shu yildan boshlanishi mumkin.

Model 3’dan pir pog‘ona pastda joylashadigan yangi Tesla modeli haqidagi ilk ma’lumotlar 2018-yilda paydo bo‘lgan: arzon model haqida marka rahbari Ilon Mask ma’lumot bergan. 2020-yilning boshlarida internetda bo‘lajak avtomobilning sketchi paydo bo‘lgan, 2021-yilning fevralida esa model butun dunyo bo‘ylab sotuvga chiqishi ma’lum bo‘lgandi.

Foto: Tesla

Foto: Tesla

Maskning so‘zlariga ko‘ra, mashina narxi Tesla tomonidan yaratiladigan innovatsion akkumulyatorlar hisobiga arzonroq bo‘ladi. Yangi material turlaridan foydalanish hisobiga kilovatt-soat narxi ishlab chiqarishda deyarli ikki barobarga arzonlashadi, bo‘sib o‘tiladigan masofa uzoqligi esa amaldagi batareyalarnikidan 16 foizga oshadi.

Avvalroq eng tezkor Tesla soatiga salkam 100 km tezlikka 1,99 soniyada erishgani to‘g‘risida xabar berilgandi.

Izoh
Asosiy yangiliklar
Mahalliy
Andijonda kredit mablag‘larini o‘zlashtirgan rahbarlarga jinoyat ishi qo‘zg‘atildi
Mahalliy
O‘tgan yili birja bozorlarimiz rekord darajada o‘sdi — Respublika valyuta birjasi
Iqtisodiyot
“Rossiyaga qarshi eng yaxshi strategik javob”: Ukraina farmatsevtika kompaniyasi O‘zbekistondagi “Reka-Med”ni sotib oldi