O‘zbekistonlik olimpiyachilarning sport formasi Cosmopolitan’ning Top-5 taligiga kirdi

Cosmopolitan Russia ekspertlari 3-avgust kuni MDH olimpiya terma jamoalarining formalari bo‘yicha o‘z reytingini tuzdi. Sport kiyimlari dizayn va jahon moda tendensiyalari bo‘yicha baholandi.

Cosmopolitan ma’lumotlariga ko‘ra, kuchli beshtalikka Rossiya (ZASPORT), O‘zbekiston (7SABER), Qirg‘iziston (BIGSER), Belarus (“Solo-Pinsk”) va Qozog‘iston (JOMA) liboslari kirdi. Jurnal mutaxassislarining alohida ta’kidlashicha, bir vaqtning o‘zida uchta mamlakatning sport kiyimi dizaynida zamonaviy yashil-moviy ranglari uyg‘unligini ko‘rish mumkin.

Ta’kidlash joizki, Cosmopolitan reytingi olimpiadachilarning tantanali formasiga emas, balki aniq sport turlariga tegishli. O‘zbekiston Top 5 Cosmo ichida ikkinchi o‘rinni egalladi.

1-o‘rin: Rossiya / “ZASPORT”

Rossiya terma jamoasiga forma yaratishi kerak bo‘lgan ZASPORT brendi oldida qiyin vazifa bor edi — hali sanksiyalar ostida bo‘lgan jamoa uchun dizayn o‘ylab topish. Buning uchun ular o‘zlarining bor mahoratini ishga solishi va belgilangan cheklovlarga mos keladigan dizayn yaratishlari kerak edi. Aytish mumkinki, ular bu vazifani a’lo darajada uddalashdi: kurtkalarda uch rangli chiziq yelpig‘ich shaklida ochilgan va mashhur “Kanagavadagi katta to‘lqin” o‘yinchoqlaridagi o‘yma chizmalar krossovkalar chiziqlari uchun ilhom manbai bo‘lgan.

II o‘rin: O‘zbekiston / 7SABER

O‘zbekiston milliy terma jamoasining sport kiyimi e’tibordan chetda qolmadi: feruza-moviy rang oralig‘i jahon tendensiyalariga mos keladi. Shu bilan birga, 7SABER brendi dizaynerlari madaniy asliyatni ham saqlab qolgan: milliy bezak juda zamonaviy va bir-birini to‘ldirgan holda dizaynga kiritilgan.

III o‘rin: Qirg‘iziston / BIGSER

Qirg‘izistonlik atletlarning formalari o‘zining yorqinligi bilan ajralib turadi. Dizaynerlar kiyimlarda sportchilarining ruhini aks ettirishga harakat qilishgan va grafik elementlari bo‘lgan akula og‘zidan foydalanishgan. Bunday chizmalar ko‘proq jangovar xalqaro turnirlarda uchraydi. Ammo BIGSER ijodkorlari qo‘lidan kelganicha harakat qilgan va bu printni zamonaviy tarzda qo‘llay olgan.

IV o‘rin: Belarus / “Solo-Pinsk”

Belarus terma jamoasi imijini biroz o‘zgartirishga qaror qildi va Olimpiya formasi uchun an’anaviy bo‘lgan davlat bayrog‘i rangidagi umumlashmadan voz kechdi. Endi mamlakatning rasmiy ranglari – oq asosdagi yashil rang bilan birga moviy rangning 50 xili sanaladi. To‘plamni tayyorlagan “Solo -Pinsk” kompaniyasining ta’kidlashicha, bu g‘alaba, erkinlik va omad ranglari hisoblanadi.

V o‘rin: Qozog‘iston / JOMA

Yaponiyada Qozog‘iston terma jamoasiga forma yaratgan JOMA brendi o‘z yo‘lidan ketdi va rang-barang variantlar o‘rniga “Go‘zallik oddiylikda” shiori bilan libos yaratdi: eng muhimi, formada keraksiz elementlar yo‘q. Olimpiya formasi dizayneri Saltanat Baymuhammedovaga Olimpiya o‘yinlaridan keyin mazkur formani kiyishni xohlagan sportchilarning o‘zi ilhom bergan. Shuning uchun u o‘z oldiga sport uslubida umumiy libos yaratishni maqsad qilgan.