Qashqadaryo viloyatida muhtoj, boquvchisini yo‘qotgan, kam ta’minlangan va nogironligi bo‘lgan oilalarga 1 milliard 158 million so‘m moddiy yordam beriladigan bo‘ldi. Bu haqda “Daryo”ga hokimlik axborot xizmati rahbari Ahror Sodiqov ma’lum qildi.
Ta’kidlanishicha, Prezident Shavkat Mirziyoyev raisligida 2021-yilning 23-iyul kuni bo‘lib o‘tgan aholi murojaatlari bilan ishlash tizimini yangicha tashkil qilish chora-tadbirlari to‘g‘risidagi videoselektor yig‘ilishdagi topshiriqqa ko‘ra, viloyat hokimi Zoir Mirzayev har kuni aholi bilan uchrashib, uzoq hududlardagi fuqarolar bilan Zoom orqali jonli muloqot qilmoqda.
“Viloyat hokimi tomonidan Yakkabog‘ va Kasbi tumanlarida o‘tkazilgan sayyor qabullar va barcha tuman (shahar)larda yashovchi fuqarolar bilan Zoom orqali onlayn o‘tkazilgan qabullarda tushgan murojaatlarga ko‘ra, ‘Saxovat va ko‘mak’ jamg‘armasi viloyat bo‘limidan muhtoj, boquvchisini yo‘qotgan, kam ta’minlangan va nogironligi bo‘lgan oilalarga Xalq deputatlari viloyat kengashining sessiyasi qarori bilan 1 milliard 158 million 300 ming so‘m mablag‘ ajratildi”, — deydi Ahror Sodiqov.
Izoh (0)