Toshkent vaqti bilan 2-avgust tongida KONKAKAF Oltin Kubogi—2021 musobaqasining final bahsi bo‘lib o‘tdi.

Foto: Goal

Hal qiluvchi o‘yinda AQSh va Meksika terma jamoalari o‘zaro to‘qnash keldi. Uchrashuvning asosiy vaqti nursiz durang bilan yakun topdi. Qo‘shimcha bo‘limlar yakunlanib borayotgan bir vaqtda Maylz Robinson amerikaliklarning g‘alaba to‘pini kiritdi.

Qayd etish kerak, AQSh ushbu musobaqada Yevropada to‘p suradigan bir qator yetakchi o‘yinchilarisiz qatnashdi. Ular yarim finalda Qatarni yenggan bo‘lsa (1:0), Meksika termasi Kanadadan ustun kelgandi (2:1).

Shu tariqa AQSh 7-marta Shimoliy Amerika chempioniga aylandi. Bu borada yetakchi Meksika hisoblanadi, ular hisobida 11 ta sovrin bor.

KONKAKAF Oltin Kubogi

Final

2-avgust, dushanba

AQSh — Meksika 1:0

Gol: 1:0 – 117 Robinson.

AQSh: Terner, Bello (Vayns, 65), Kennon (Mur, 65), Robinson, Uilyamson (Busio, 87), Sends, Lyethet (Roldan, 66), Akosta, Arriola (Joakkini, 87), Hopp (Kessler, 120), Zardes.

Meksika: Talavera, Arauxo, Rodriges, Moreno (Salsedo, 44; Sepulveda, 105), Alvares, Dos Santos (Gutyerres, 76), Galyardo, Pineda (Pisarro, 76), Errera, Korona (Rodriges, 90), Funes Mori (Pulido, 105).

Ogohlantirishlar: Errera (72), Akosta (113), Galyardo (114), Alvares (117).