Mazali shirinlik bilan oila a’zolaringizning kayfiyati ko‘tarilishiga sababchi bo‘ling.
Kerakli mahsulotlar:
- un — 1 stakan;
- tuxum — 5 dona;
- smetana (25 foizli) — 320 g;
- shakar — 380 g;
- oq shokolad — 100 g;
- kokos qirindisi — 100 g;
- sariyog‘— 120 g;
- bodom — 50 g;
- tuz.
- 4 ta tuxumga tuz qo‘shib mikserda aralashtiring.
- Aralashtirishdan to‘xtamasdan 200 g shakar qo‘shing.
- Unni kam-kamda qo‘shib aralashtiring.
- Xamirni maxsus qolipga solib qizib turgan pechga 40 daqiqaga qo‘ying.
- Tayyor bo‘lgan biskvit soviganidan keyin plyonkaga o‘rab, sovitkichga qo‘ying.
- 80 g shakarga, 3 qoshiq un, 1 ta tuxum va smetana qo‘shing, idishdagi qaynagan suv bug‘i ustida aralashtirishda davom eting.
- 10 daqiqa davomida aralashtirishdan to‘xtamang.
- Maydalangan shokolad, kokos qirindisi qo‘shib aralashtiring.
- Xona haroratida erigan sariyog‘ga shokoladli aralashmani qo‘shing, tayyor kremni sovitkichga qo‘ying.
- 100 g shakarni eritib oling.
- Tovada qizdirib olingan bodomni shakarli aralashmaga qo‘shing.
- Blenderda yaxshilab maydalab oling.
- Biskvitni o‘rtasidan bo‘lin.
- Orasiga krem surting, bodomli aralashma soling.
- Kokos qirindisi seping.
- Ustini rafaello sharchalari bilan bezang.
Izoh (0)